| e-texts navigator |
| Wylie |
62a1 དེའི་ཆུང་མ་དང་ཕྲད་ནས། རང་སངས་རྒྱས་དེ་ལ་དད་པའི་སེམས་སྐྱེས་ཏེ། སྐྱེས་བུ་ཁྱོད་གར་གཤེགས། མར་གྱི་ཚིགས་མ་འདི་ཅི་ཞིག་མཛད་ཅེས་དྲིས་པ་དང་། རང་སངས
62a2 རྒྱས་དེས་ཀྱང་དེ་བཞིན་དུ་དྲང་པོར་གཏམ་བྱས་ནས། ཆུང་མ་དེས་རང་སངས་རྒྱས་དེ་ཕྱིར་བོས་ཏེ་ཁྱིམ་དུ་ཁྲིད་ནས་ལྷུང་བཟེད་བླངས་ཏེ། འབྲུ་མར་ལྷུང་བཟེད་བཀང་སྟེ་ཕུལ་ནས། ཁྱོ་ལ་འདི་སྐད་ཅེས
62a3 སྨྲས་སོ། ། ཁྱོད་ཀྱིས་སྐྱེས་བུ་འདི་ལ་མར་གྱི་ཚིགས་མ་ཕུལ་བ་ཤིན་ཏུ་ཉེས་ཀྱིས། ཁའི་ཉེས་པ་འགྱོད་ཚངས་གྱིས་ཤིག་ཅེས་བསྒོ་ནས། མི་ངས་ཀྱང་འགྱོད་པའི་སེམས་སྐྱེས་ཏེ། འགྱོད་ཚངས
62a4 བྱས་ནས་ཁྱོ་ཤུག་ཡིད་མཐུན་པར་རང་སངས་རྒྱས་དེ་ལ་འདི་སྐད་ཅེས་གསོལ་ཏོ། ། བཙུན་པ་དེ་སླན་ཆད་མར་དགོས་ན་ཡང་རྟག་ཏུ་ལོང་ཞིག་ཅེས་སྨྲས་ནས། རང་སངས་རྒྱས་དེས་ཀྱང་རྟག་ཏུ་དེའི
62a5 ཁྱིམ་ནས་མར་བླངས་ཏེ། དེ་དག་གིས་བྱས་པ་གཟོ་བའི་ཕྱིར་དེ་དག་གི་དྲུང་དུ་ཆོ་འཕྲུལ་བསྟན་ཏེ། སྟེང་གི་ནམ་མཁའ་ལ་འཕགས་ནས། ཆུ་འབབ་པ་དང་། མེ་འབྱུང་བ་དང་། ཆོ་འཕྲུལ་རྣམ་པ
62a6 སྣ་ཚོགས་བསྟན་ཏེ། མར་འབུལ་བའི་ཁྱོ་ཤུག་གཉིས་ཀྱིས་དེ་ལྟ་བུའི་ཆོ་འཕྲུལ་མཐོང་ནས། ལྷག་པར་དགའ་ཞིང་ངང་པའི་སེམས་སྐྱེས་ཏེ། མི་དེས་ཆུང་མ་ལ་སྨྲས་པ། ཁྱོད་ཀྱིས་མར་ཕུལ
62a7 བའི་བསོད་ནམས་ཅི་ཡོད་པ་ཁོ་བོ་དང་ཐུན་མོང་དུ་གྱུར་ཏེ། བདག་ཅག་ཁྱོ་ཤུག་ཏུ་ཤོགཅིག་ཅེས་སྤྲས་པ་དང་། ཆུང་མས་སྤྲས་པ། ཁྱོད་ཀྱིས་སེས་བུ་ཆེན་པོ་ལ་ཚིག་ངན་པ་སྨྲས་ཏེ། མར
iiif viewer powered by OpenSeadragon
