| e-texts navigator |
| Wylie |
61b1 ཚོགས་ཀྱང་འཁོར་དུ་བསྡུས་པས། ད་ལྟར་གྱི་བར་དུ་རྙེད་པ་དང་གྲགས་པ་ལ་ཕྲག་དོག་བྱེད་པའི་ཕྱིར་ང་དང་འགྲན་པར་འདོད་ཀྲུང་ཚེ་འཕྲུལ་མེད་དེ་བསམ་པ་ལྟར་མགྱུར་པས་ཆུར་ཤི་བ་ཡིན་ནོ།།
61b2 དེས་ན་དེ་དག་གི་འཁོར་ཁྲི་ཕྲག་དགུ་བཅུ་ཡང་ངའི་འཁོར་དུ་བསྡུས་ནས་ངའི་ཉེ་གནས་སུ་གྱུར་ཏོ།། དེ་ནས་རྒྱལ་པོ་གཟུགས་ཅན་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ།
61b3 ཏོ། རྒྱལ་པོ་སྡོང་དུམ་དེ་སྔོན་བསོད་ནམས་ཅི་ཞིག་བགྱིས་པས་འདི་ལྟར་མཐུ་སྟོབས་ཆེ་ལ་ཤིན་ཏུ་མི་སྡུག་པར་གྱུར། བཅོམ་ལྡན་འདས་ཀྱིས། རྒྱལ་པོ་ལ་བཀའ་སྩལ། རྒྱུ་ཡོང་རྐྱེན
61b4 ཡོད་དེ་བསྟན་པར་བྱའོ། ། སྔོན་འདས་པའི་བསྐལ་པ་གྲངས་མེད་དཔག་ཏུ་མེད་པའི་ཕ་རོལ་ན། འཛམ་བུའི་གླིང་འདིར་ཡུལ་བཱ་རཱ་ཎཱ་སི་ཞེས་བྱ་བ་ན། དྲང་སྲོང་རི་ཞེས་བྱ་བ་ལ་རང་སངས་རྒྱས་གཅིག
61b5 ཅིག་གནས་ཏེ། རང་སངས་རྒྱས་དེ་ལ་རླུང་ནད་ཡོད་པས། རླུང་ནད་ཀྱིས་སྨན་འབྲུ་མར་འཐུང་དགོས་པ་ལས། འབྲུ་མར་འཚག་པའི་ཁྱིམ་དུ་སོང་ནས་འབྲུ་མར་བསླངས་པ་དང་། འབྲུ་མར་འཚག
61b6 པ་དེས་དེ་ལ་ཁྲོས་ཏེ། མགོ་དང་ཤིང་དུམ་འདྲ་བ། རྐང་ལག་དང་ཤིང་ཚལ་འདྲ་བ་འདི་ལས་བྱེད་དུ་ནི་མི་བཏུབ་ཀྱིས། ཞོ་གཅིག་ནམ་གཅིག་ཀྱང་འབྱིན་དུ་མི་བཏུབ་པར་སློངས་མོ་འབའ་ཞིག
61b7 ལ་འཚོ་བ་བལྟོས་པ་འདི་ཞེས་སྤྱོས་ཤིང་བརྒྱད་ནས། འོན་ཀྱང་མར་གྱི་ཚིགས་མ་ཕུལ་ལོ།། རང་སངས་རྒྱས་དེས་མར་གྱི་ཚིགས་མ་ཐོབ་ནས་སྒོར་བྱུང་སྟེ་ཕྱིར་འགྲོ་བ་ལས། སྒོ་རྩར་མར་འཚག་པ
iiif viewer powered by OpenSeadragon
