| e-texts navigator |
| Wylie |
61a1 སྤྲུལ་ཏེ། འདི་སྐད་ཅེས་སྨྲས་སོ།། ཤར་ཕྱོགས་ལོགས་ཀྱི་ཆུ་མིག་ལས་བཅུས་ཏེ་བྱས་ན་བཻ་ཌཱུཪྻར་འགྱུར་རོ།། ལྷོ་ཕྱོགས་ཀྱི་ཆུ་མིག་ལས་བཅུས་ཏེ་བྱས་ན་ཐམས་ཅད
61a2 གསེར་དུ་འགྱུར་རོ། ། ནུབ་ཕྱོགས་ངོས་ཀྱི་ཆུ་མིག་ལས་བཅུས་ཏེ་བྱས་ན་ཐམས་ཅད་དངུལ་དུ་འགྱུར་རོ།། བྱང་ཕྱོགས་ངོས་ཀྱི་ཆུ་མིག་ལས་བཅུས་ཏེ་བྱས་ན་ཐམས་ཅད་ཤེལ་དུ་འགྱུར་རོ་ཞེས་སྨྲས་ཏེ།
61a3 རྒྱལ་བུས་ཀྱང་དེ་དག་གིས་སྤྲས་པ་བཞིན་དུ་ཆུ་མིག་ལས་བཅུས་ན་དེ་བཞིན་དུ་གྱུར་ཏེ། དེ་ནས་ཕོ་བྲང་གི་ར་བ་ཁོ་ར་ཁོར་ཡུག་དཔག་ཚད་བཞི་བརྒྱ་པ་བྱས་ནས། དེའི་ནང་ན་ཕོ་བྲང་དཔག་ཚད་བཞི་བཅུ་པ
61a4 གཅིག་བྱས་ཏེ། ལམ་གྱི་སྲང་ན་ཁང་བུ་བརྩེག་མ་དང་། སྐྱེད་ཤིང་དང་། ཁྲུས་ཀྱི་རྫིང་བུ་ཡང་རིན་པོ་ཆེ་སྣ་བཞི་ལས་བྱས་སོ།། བཟང་ཁྱད་ལྷའི་ཕོ་བྲང་དང་འདྲ་བར་བྱས་ནས། ཟིན་མ་ཐག་ཏུ་རིན་པོ
61a5 ཆེ་སྣ་བདུན་ཡང་ཡོད་པར་གྱུར་ཏེ། གླིང་བཞི་ལ་དབང་བྱེད་ཅིང་དགེ་བ་རྒྱས་པར་བྱས་སོ།། རྒྱལ་པོ་ཆེན་པོ་དེའི་ཚེ་དེའི་དུས་ན་རྒྱལ་པོ་མ་ཧ་ཤ་ཀུ་ལ་ནི་ད་ལྟར་ངའི་ཡབ་ཟས་གཙང་མ་ཡིན་ནོ།། དེའི་ཚེ་དེའི
61a6 དུས་ན་རྒྱལ་པོའི་བཙུན་མོ་ནི་ད་ལྟར་ངའི་ཡུམ་ལྷ་མཛེས་ཡིན་ནོ། ། རྒྱལ་བུ་མི་སྡུག་པ་སྡོང་དུམ་ནི་ད་ལྟར་ང་ཡིན་ནོ།། དེའི་ཚེ་ན་དེའི་ཆུང་མ་དེ་ནི་སྐྱེ་དགུའི་བདག་མོ་ཡིན་ནོ།། དེའི་ཚེ་ན་ཆུང་མ་དེའི་ཕ་རེ་ནི་འོད
61a7 སྲུངས་ཡིན་ནོ། ། རྒྱལ་པོ་དྲུག་གིས་དམག་དྲངས་ཏེ་བུ་མོ་འདོད་པ་དེ་དག་ནི་སྟོན་པ་དྲུག་པོ་འདི་དག་ཡིན་ཏེ། དེའི་ཚེ་དེའི་དུས་ན་ཡང་ང་དང་གཟུགས་ལ་རྩོད་པས། ངས་དེ་དག་ཀུན་བསང་དེ་དམག་གི
iiif viewer powered by OpenSeadragon
