| e-texts navigator |
| Wylie |
60a1 ཅོད་པན་བླངས་ནས་དམག་དེ་རྣམས་ཀྱང་འཁོར་དུ་བསྡུས་སོ།། རྒྱལ་པོ་ལུ་ཤི་བ་ཙ་རབ་ཏུ་དགའ་སྟེ། བུ་མོ་ཡང་ཆུང་མར་བྱིན་ནས་རྒྱལ་པོ་ཆེན་པོར་བཅུག་སྟེ། རྒྱལ
60a2 པོ་དྲུག་གི་སྲིད་གཅིག་ཏུ་བསྡུས་ནས་དམག་གི་ཚོགས་དང་བཅས་ཏེ། ཆུང་མ་དང་འགྲོགས་ནས་ཕྱིར་བདག་གི་ཡུལ་དུ་འོངས་སོ།། རྒྱལ་པོ་ཡབ་ཀྱིས་སྲས་ཀྱིས་ཕྱིར་འོངས་སོ་ཞེས་ཐོས་ནས་ཕྱི་རོལ་ནས
60a3 བསུ་སྟེ། རྒྱལ་སྲིད་ཀྱང་བུ་ལ་བྱིན་པ་ལས་བྱེད་དུ་མ་བཏུབ་ནས་ཕྱིར་ཡབ་ལ་བདར་ཏེ། སྔོན་བཞིན་དུ་ཆུང་མ་དང་ལྷན་ཅིག་ཏུ་འདུག་ནས། ཆུང་མ་ལ་ཁྱོད་ཅིའི་ཕྱིར་མཚན་མོ་ཁོ་བོ་བོར་ཏེ་འབྲོས་ཞེས
60a4 དྲིས་ན། ཁྱོད་མི་སྡུག་ཆེས་ནས་མི་མ་ཡིན་སྙམ་སྟེ་སྐྲག་ནས་བྲོས་སོ།། དེ་ནས་རྒྱལ་བུས་མེ་ལོང་བླངས་ཏེ། མེ་ལོང་གི་ནང་དུ་བལྟས་ན། བདག་གི་བཞིན་ཤིན་ཏུ་མི་སྡུག་པར་མཐོང་སྟེ། ལུས་དེ
60a5 ལ་ལྷ་མི་འདོད་པ་ཙམ་དུ་སྐྱོ་ནས་ཚལ་ཞིག་གི་ནང་དུ་སོང་སྟེ་འཆི་བར་བྱས་པ་ལས། བརྒྱ་བྱིན་ལྷའི་དབང་པོས་རྒྱང་མ་ནས་མཐོང་སྟེ་དེའི་དྲུང་དུ་འོངས་ཏེ། ཅིའི་ཕྱིར་ཁྱེད་འཆི་ཞེས་དྲིས་ན། རྒྱལ་བུས་དེ
60a6 བཞིན་དུ་སྨྲས་པ་དང་། བརྒྱ་བྱིན་གྱིས་སྤྲོ་བ་བསྐྱེད་དེ། རིན་པོ་ཆེའི་ནོར་བུ་གཅིག་བྱིན་ནས་འདི་སྐད་ཅེས་སྨྲས་སོ།། ཁྱོད་རྟག་ཏུ་ནོར་བུ་འདི་སྤྱི་བོ་ལ་ཐོགས་ཤིག་དང་། ང་དང་འདྲ་བར་བཟང
60a7 ཞིང་མཛེས་པར་འགྱུར་རོ་ཞེས་བསྒོ་ནས། རྒྱལ་བུས་ནོར་བུ་སྤྱི་བོ་ལ་བཏགས་མ་ཐག་ཏུ། བདག་གི་ལུས་སྔོན་ལས་མཛེས་པར་ཚེར་ནས་ཕྱིར་ཕོ་བྲང་གི་ནང་དུ་འོངས་ནས་གཞུ་དང་དུང་བླངས་ཏེ།
iiif viewer powered by OpenSeadragon
