| e-texts navigator |
| Wylie |
5a1 རྒྱལ་ཕྲན་མང་པོ་ལ་དབང་སྒྱུར་ཏེ། གྲོང་ཁྱེར་ནི་བརྒྱད་ཁྲི་བཞི་སྟོང་སྐྱེད་མངའ། བཙུན་མོ་དང་ཕོ་བྲང་གི་སླས་ནི་སྟོང་ཕྲག་ཉི་ཤུ་མངའ་སྟེ། བློན་པོ་ཆེན་པོ
5a2 ཡང་སྟོང་ཕྲག་བཅུ་སྙེད་དོ། ། རྒྱལ་པོ་དེ་ཤིན་ཏུ་སྙིང་རྗེ་དང་ལྡན་པས་མི་ལ་སོགས་པ་སྐྱེ་བོ་མང་པོ་བདེ་སྐྱིད་ཅིང་འབྱོར་པ་དང་། བདེ་བ་དང་། ལོ་ལེགས་པར་ལྡན་ཏེ། རྒྱལ་པོ
5a3 དེ་སྐྱེ་བོ་མང་པོའི་ཕ་མ་ལྟ་བུར་གྱུར་ཏོ། ། དེའི་ཚེ་རྒྱལ་པོ་དེས་འདི་སྙམ་དུ་བསམས་སོ།། བདག་ཀྱང་སྐྱེ་བོ་མང་པོ་ཀུན་གྱི་གཙོ་བོར་གྱུར་ལ། སྐྱེ་བོ་མང་པོ་འདི་དག་ཀྱང་བདག་ལ་མོས
5a4 ཤིང་དགའ་བས་བདག་གིས་དམ་པའི་ཆོས་ཀྱི་ནོར་རིན་པོ་ཆེས་ཐམས་ཅད་ལ་ཕན་གདགས་སོ་སྙམ་བསམས་ནས། བློན་པོ་གཅིག་གིས་ཐམས་ཅད་དུ་བཀར་བཏགས་ཏེ། སུ་ལ་དམ
5a5 པའི་ཆོས་མཆིས་པ་བསྟན་པར་གྱུར་ན། ཅི་དང་ཅི་འདོད་པ་ཡིད་བཞིན་དུ་སྦྱིན་ནོ་ཞེས་བསྒོ་བ་དང་། དེའི་ཚེ་ན་བྲམ་ཟེ་ལེའུ་དུ་ཆ་ཞེས་བགྱི་བ་ཞིག་པོ་བྲང་གི་སྒོར་མཆིས་ཏེ། བདག་ལ་ངམ
5a6 པའི་ཆོས་ཡོད་དོ་ཞེས་སྨྲས་པ་དང་། རྒྱལ་པོས་དེ་སྐད་ཅེས་སྨྲས་པ་ཐོས་ནས། ཕྱི་རོལ་ཏུ་བསུས་ཏེ་ཕྱག་བྱས་ནས་སྟན་བཏིང་བ་ལ་བཞག་གོ།། བྲམ་ཟེ་དེ་སྟན་བཏིང་བ་ལ་འདུག་ནས།
5a7 རྒྱལ་པོ་འཁོར་དང་བཅས་ཏེ་ཐལ་མོ་སྦྱར་ནས། སྟོན་པ་ཆེན་པོ་གཏི་མུག་གིས་མདོངས་པར་གྱུར་པ་ལ་དམ་པའི་ཆོས་དབྱེ་ཞིང་བསྟན་པའི་དུས་ལ་བབ་བོ་ཞེས་བསྐུལ་བ་དང་། བྲམ་ཟེ་དེས
iiif viewer powered by OpenSeadragon
