| e-texts navigator |
| Wylie |
4b1 གྱུར་པ་མཐོང་ནས་ཆོ་ངེས་བཏབ་སྟེ། ས་ལ་འགྲེ་བཞིན་དུ་རྒྱལ་པོ་ཆེན་པོ་མི་རིགས་པའི་ལས་འདི་ལྟ་བུ་དག་ཐོང་ཞིག་ཅེས་གསོལ་བ་བཏབ་ཀྱང་། རྒྱལ་པོ་དེ་དམ་པའི་ཆོས་འཚོལ་བའི་ཕྱིར
4b2 ཤིན་ཏུ་བརྟན་པས་བཟློག་མ་ནུས་སོ། ། དེའི་ཚེ་ན་གནོད་སྦྱིན་དེས་རྒྱལ་པོའི་བཙུན་མོ་དང་སྲས་ཟོས་ནས། ཚིགས་སུ་བཅད་པ་འདི་སྐད་ཅེས་སྨྲས་སོ།། འདུ་བྱེད་ཐམས་ཅད་མི་རྟག་སྟེ།
4b3 ཇི་ཙམ་སྐྱེ་བ་སྡུག་བསྔལ་བཅས།། ལྔ་ཕུང་མཚན་མ་མེད་པས་སྟོང་།། བདག་དང་བདག་གི་བ་ཡང་མེད།། ཚིགས་སུ་བཅད་པ་འདི་སྨྲས་པ་དང་། རྒྱལ་པོ་དགའ་མགུ་རངས་ཏེ། བ
4b4 སྤུའི་ཉག་མ་ཙམ་གྱིས་འགྱོད་པའི་སེམས་མ་སྐྱེས་སོ། ། དེ་ནས་ཡི་གེར་བྲིས་ནས། འཛམ་བུའི་གླིང་ཀུན་ཏུ་བསྒྲགས་ཏེ། ཐམས་ཅད་སློབ་ཏུ་བཅུག་གོ། དེ་ནས་ངལ་བསོ་པོས་བདག
4b5 ཉིད་ཀྱི་ལུས་སུ་སླར་བསྒྱུར་ནས། ཤིན་ཏུ་ལེགས་སོ་ངོ་མཚར་རྨད་དོ་ཞེས་བསྟོད་ཅིང་བསྔགས་ཏེ། རྒྱལ་པོའི་བཙུན་མོ་དང་སྲས་ཀྱང་སྔོན་བཞིན་དུ་ཅང་མ་ནོངས་སོ།། དེའི་དུས་ན་རྒྱལ་པོ
4b6 དེ་ནི་སངས་རྒྱས་ལགས་ཏེ། བཅོམ་ལྡན་འདས་སྔོན་ཡང་ཆོས་ཀྱི་སླད་དུ་དེ་ལྟ་བུའི་དཀའ་བ་མཛད་ན། ད་ཇི་སྲིད་དུ་སེམས་ཅན་མང་པོ་ཡོངས་སུ་བཏང་སྟེ་མྱ་ངན་ལས་འདའ་འོ་ཞེས
4b7 གསུང་བཅོམ་ལྡན་འདས་གཞན་ཡང་སྔོན་བསྐལ་པ་གྲངས་མ་མཆིས་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་གན་ཤ་ནི་པ་ལི་ཞེས་བགྱི་བ་ནི
iiif viewer powered by OpenSeadragon
