| e-texts navigator |
| Wylie |
4a1 བ་སོ་བོས་ཐོས་ནས་སད་པའི་སླད་དུ། བདག་གི་ལུས་གནོད་སྦྱིན་ཞིག་ཏུ་སྤྲུལ་ནས། དེའི་མདོག་ཤིན་ཏུ་སྔོ་བ། གནག་པ། མིག་ཁྲག་ལྟར་དམར་བ
4a2 མཆེ་བ་གྱེན་དུ་བྱུང་བ། སྐྲ་གྱེན་དུ་བསྒྲེང་བ། ཁ་ནས་མེ་འབར་བ་ཕོ་བྲང་གི་སྒོར་མཆིས་ནས། སུ་ཞིག་ཆོས་ཐོས་པར་འདོད་པ་ང་ལས་ཉོན་ཅིག་ཅེས་སྨྲས་སོ།། རྒྱལ་པོས་དེ་སྐད་ཅེས
4a3 སྨྲས་པ་ཐོས་ནས་ཤིན་ཏུ་དགའ་མགུ་སྟེ། གནོད་སྤྲིན་དེ་བསུ་ནས་མགོ་བོས་ཕྱག་བྱས་ཏེ། སྟན་མཐོན་པོ་ལ་བཞག་ནས། བློན་པོ་དང་འཁོར་མང་པོ་ངག་བསྡུས་ཏེ། ཆོས་ཉན་དུ
4a4 གཞུག་པའི་སླད་དུ་འཁོར་བར་བསྐོར་རོ། ། དེའི་ཚེ་ནི་གནོད་སྦྱིན་གྱིས། རྒྱལ་པོ་ལ་འདི་སྐད་ཅེས་སྨྲས་སོ།། རྒྱལ་པོ་ཆོས་ཐོས་པར་བྱ་བ་ནི་ཤིན་ཏུ་དཀའ་བས་ཆོས་ཉན་པར་འདོང་ན
4a5 འདི་ཙམ་གྱིས་ཆོག་པ་མ་ཡིན་ནོ་ཞེས་སྨྲས་པ་དང་། རྒྱལ་པོས་དེ་ལ་ཐལ་མོ་སྦར་ཏེ། ཁྱོད་ཅི་དང་ཅི་འདོད་པ་དེ་མི་འགལ་བར་ཐམས་ཅད་སྤྲིན་ནོ་ཞེས་སྨྲས་སོ།། དེ་ནས་གནོད་སྤྲིན
4a6 དེས་རྒྱལ་པོ་ལ་སྨྲས་པ། རྒྱལ་པོ་ཁྱོད་ཀྱི་བཙུན་མོ་དང་སྲས་གང་འཕངས་པ་ཁོ་བོ་ཟར་བཅུག་ན། དམ་པའི་ཆོས་སྦྱིན་ནོ་ཞེས་སྨྲས་པ་དང་། དེའི་ཚེ་ན་རྒྱལ་པོ་ཆེན་པོ་ངེས་བཙུན་མོ
4a7 ནང་ན་གང་འཕངས་པ་དང་སྲས་ཀྱི་མཆོག་གནོད་སྦྱིན་ལ་ཕུལ་ཏེ། གནོད་སྦྱིན་གྱིས་འཁོར་མང་པོའི་ནང་དུ་ཀུན་གྱིས་མཐོང་བཞིན་དུ་ཟོས་སོ།། དེའི་ཚེ་ན་རྒྱལ་པོ་དེའི་བློན་པོ་རྣམས་དེ་ལྟར
iiif viewer powered by OpenSeadragon
