| e-texts navigator |
| Wylie |
44b1 བྱས་ནས། ཁ་ལག་བཀྲུས་ཏེ་ཕྱིར་ཡང་གདན་ལ་བཞུགས་ནས། ཆོས་བསྟན་པར་གསོལ་ཏོ།། དེ་ལ་ཡང་བཅོམ་ལྡན་འདས་ཀྱིས་ཁྱོད་ཉིད་ཀྱི་སྟོན་པ་དྲུག་ལ་སྟོན་པར་གསོལ་ཅིག་ཅེས་བཀའ
44b2 སྩལ་ཏོ། ། སྟོན་པ་དྲུག་ཀྱང་ཁའ་ཐམས་ནས། སངས་རྒྱས་ལ་གསོལ་ཅིག་ཅེས་ལག་བརྡར་བྱས་སོ།། དེ་ནས་བཅོམ་ལྡན་འདས་ཀྱིས་ཤིན་ཏུ་མཉེན་ཞིང་འཇམ་པའི་གསུང་ཕྱུང་སྟེ། འཁོར
44b3 མང་པོ་ལ་ཆོས་ཀྱི་མཚན་ཉིད་རྣམ་པར་ཕྱེ་སྟེ་བསྟན་པས་འཁོར་མང་པོའི་ཡིད་ཚིམ་པར་གྱུར་ཏེ། སངས་རྒྱས་ཀྱིས་གསུངས་པ་ཐོས་ནས། ཐམས་ཅད་ཀྱིས་རྟོགས་ཤིང་ཁོང་དུ་ཆུད་ཅིང་། གཟུགས
44b4 ཅན་སྙིང་པོའི་གཅུང་ནི་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ། ། འཁོར་གཞན་དག་ནི་འབྲས་བུ་དང་པོ་ནས་འབྲས་བུ་གསུམ་པའི་བར་དུ་ཐོབ་ནས་རབ་ཏུ་བྱུང་སྟེ་ཟག་པ་ཟད་དོ།། ལ་ལ་ནི
44b5 བླ་ན་མེད་པའི་བྱང་ཆུབ་ཏུ་སེམས་བསྐྱེད་དེ། ཕྱིར་མི་ལྡོག་པའི་ས་ལ་གནས་པར་གྱུར་ནས་ཇི་ལྟར་སྨོན་པ་བཞིན་དུ་ཡོངས་སུ་རྫོགས་པས། སོ་སོ་ནས་ཡང་དག་པ་གང་ཡིན་པ་ཤེས་ཤིང་རྟོགས་ཏེ
44b6 དཀོན་མཆོག་གསུམ་ལ་དད་ཅིང་མོས་ཀྱི། སྟོན་པ་དྲུག་མི་འདོད་དེ་དེ་ལ་བསྙེན་བཀུར་མི་བྱེད་པར་གྱུར་ཏོ།། དེ་ནས་སྟོན་པ་དྲུག་པོ་ཤིན་ཏུ་སེམས་འཁྲུགས་ནས་ཁྲོས་ཏེ་དབེན་པའི་ས་ཕྱོགས་སུ
44b7 དོང་ནས་རྟོག་པ་ལ་ཞུགས་སོ། ། དེ་ནས་བདུད་སྡིག་ཏོ་ཅན་འདི་སྙམ་དུ་སེམས་པར་གྱུར་ཏེ། བདག་གིས་ཡུན་རིང་ཞིག་ན། དགེ་སྦྱོང་གོའུ་ཏ་མ་ལ་བགེགས་བྱས་ནས་སྐབས
iiif viewer powered by OpenSeadragon
