| e-texts navigator |
| Wylie |
43b1 པོའི་བཀའ་ཚུལ་གྱིས་ཅག་པར་རིགས་པ་མ་ཡིན་པས་མཆོད་སྟོན་ཆེན་པོ་བཤམས་ནས། མ་བོས་པར་གང་རང་འོངས་པ་ལ་བསོད་སྙོམས་སྦྱིན་ནོ་ཞེས་བྱས་ནས། མཆོད་པའི་ཡོ་བྱད་བཤམས་ཏེ
43b2 སྟན་བཏིང་ནས་སྟོན་པ་དྲུག་ནི་འབོད་པ་བཏང་ཏེ། དེ་མ་ཐག་ཏུ་ལྷགས་ནས་གྲལ་གྱི་ཐོག་མ་ལ་འདུག་གོ།། སངས་རྒྱས་དང་དགེ་འདུན་རྣམས་རང་མ་བྱོན་པས་རྒྱལ་པོ་གང་ན་བ་དེར་སོང་ནས
43b3 འདི་སྐད་ཅེས་གསོལ་ཏོ། ། དགེ་སྦྱོང་གོའུ་ཏ་མ་སྤྱན་དྲོངས་ཤིག་ཅེས་ཡང་དང་ཡང་བཀའ་སྩལ་ཏོ།། བདག་གིས་མཆོད་པ་བཤམས་ཏེ་གདུགས་ཚོད་ལ་བབ་ན་ཅིའི་སླད་དུ་མི་གཤེགས།
43b4 རྒྱལ་པོས་བཀའ་སྩལ་པ། ཁྱོད་ཉིད་སྤྱན་འདྲེན་དུ་འགྲོ་མི་ནུས་ན་ཡང་མི་ཞིག་གདུགས་ཚོད་ལ་བབ་བོ་ཞེས་སྤྱན་འདྲེན་པ་ཐོང་ཞིག། རྒྱལ་པོའི་གཅུང་གིས་ཀྱང་སྤྱན་འདྲེན་དུ་བཏང་བ་ལས། བཅོམ
43b5 ལྡན་འདས་འཕགས་པའི་དགེ་འདུན་དང་བཅས་ཏེ་གཤེགས་ནས་གྲལ་རིམས་བཞིན་དུ་བཞུགས་སོ། ། བཅོམ་ལྡན་འདས་ཀྱི་བྱིན་གྱིས་སྟོན་པ་དྲུག་གྲལ་གྱི་ལྷག་ན་འདུག་པ་ཡང་གྲལ་གྱི་ཐ་མར་སོང་ངོ་།།
43b6 སྟོན་པ་དྲུག་ངོ་ཚ་ཞིང་སྐྱེངས་ནས་ལངས་ཏེ་གྲལ་གྱི་ལྷག་ཏུ་འདུག་ན་ཡང་། མ་ཚོར་བར་གྲལ་གྱི་མཇུག་ཏུ་སོང་སྟེ། དེ་བཞིན་དུ་ལན་གསུམ་གྱི་བར་དུ་གྲལ་གྱི་གོང་དུ་སོང་ཡང་། ད་དུང་གྲལ་གྱི་འོག་ན
43b7 འདུག་པར་གྱུར་ནས། མཐུ་མེད་པར་གྱུར་ཏེ་སྐྱེངས་བཞིན་དུ་གྲལ་གྱི་ཐ་མར་འདུག་གོ།། ཡོན་བདག་གིས་གནས་བརྟན་ལ་ཆུ་བྲིམས་ནས། བཅོམ་ལྡན་འདས་ཀྱིས་སྔར་ཁྱོད་ཀྱི་སྟོན་པ་ལ་ཆུ
iiif viewer powered by OpenSeadragon
