| e-texts navigator |
| Wylie |
43a1 བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ། ། དེའི་ཚེ་ན་རྒྱལ་པོ་གཟུགས་ཅན་སྙིང་པོ་འབྲས་བུ་དང་པོ་ཐོབ་པས་དད་པ་དང་། བསྙེན་བཀུར་བྱ
43a2 བའི་སེམས་སྔོན་པས་ཀྱང་ལྷག་པར་གྱུར་ནས། བཅོམ་ལྡན་འདས་དང་དགེ་སློང་གི་དགེ་འདུན་ལ་མཆོད་པའི་ཡོ་བྱད་རྣམ་པ་བཞི་རྟག་ཏུ་འབུལ་ཏེ། སྐྱེ་བོ་མང་པོ་དག་ཀྱང་མཐུན་པར་དགེ་བ་ལ
43a3 སྤྲོའོ། ཡུལ་རེ་ན་རྫོགས་བྱེད་ལ་སོགས་པ་སྟོན་པ་དྲུག་སྔར་བྱུང་བས་ངན་པར་ལྟ་བ་ལེག་པར་སྟོན་ཏེ། འགྲོ་བ་མང་པོ་བསླུས་པས་དེ་ལ་གང་བསླད་པར་མཐོང་བ་དག་ནི་ངན་པར་ལྟ་བ་ལ་ཡིད་ཆེས
43a4 པས་སྡིག་པ་ཅན་གྱི་ཕྱོགས་མང་ཞིང་རྒྱས་པར་གྱུར་ཏོ། ། རྒྱལ་པོ་དེའི་གཅུང་ཞིག་ཀྱང་སྟོན་པ་དྲུག་ལ་ཡིད་ཆེས་པས་ངན་པར་ལྟ་བ་ལ་ཞེན་ཏེ། ཐར་པའི་ལམ་ཡིན་པར་བཟུང་ནས། ལེངས
43a5 སྤྱོད་ཅི་བདོག་པ་གཏུགས་ཏེ་དེ་ལ་འབུལ་ཏེ། སངས་རྒྱས་བཅོམ་ལྡན་འདས་ཉི་མ་ལྟ་བུར་ཤར་བ། ཤེས་རབ་ཀྱིས་ཀུན་ཏུ་ལྷམ་མེར་མཛད་ཀྱང་ངན་པར་ལྟ་བས་གླགས་པས་དེ་ལ་མོས་པའི
43a6 སེམས་མེད་དོ། ། རྒྱལ་པོ་གཟུགས་ཅན་སྙིང་པོ་དེས། དེ་ལ་ལྷག་པར་སྡུག་པར་འཛིན་པས་ཐབས་ཀྱིས་སངས་རྒྱས་ལ་བསྙེན་བཀུར་བྱ་བར་བསྐུལ་ན་ཡང་། ངན་པར་ལྟ་བ་ལ་ཞེན་པས་བསྒོ
43a7 བ་བཞིན་དུ་མ་བྱས་སོ། ། སངས་རྒྱས་ལ་མཆོད་པ་གྱིས་ཤིག་ཅེས་ཡང་དང་ཡང་བསྐུལ་ན། བདག་ལ་ཡང་སྟོན་པ་ཡོད་དེ། གོའུ་ཏ་མ་ལ་བསྙེན་བཀུར་མི་བྱེད་དོ།། འོན་ཀྱང་རྒྱལ
iiif viewer powered by OpenSeadragon
