| e-texts navigator |
| Wylie |
42a1 བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་དུས་ན་བསྐལ་པ་གྲངས་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་བྱམས་པའི་སྟོབས་ཞེས་བྱ་བ
42a2 འཛམ་བུའི་གླིང་གི་རྒྱལ་ཕྲན་བརྒྱད་ཁྲི་བཞི་སྟོང་སྙེད་ལ་དབང་བྱེད་པ་ཞིག་བྱུང་ངོ་། ། རྒྱལ་པོ་དེ་ལ་བཙུན་མེ་ནི་སྟོང་ཕྲག་ཉི་ཤུ་ཡོད། བློན་པོ་ནི་སྟོང་ཕྲག་ཉི་ཤུ་ཡོད་དོ།། རྒྱལ་པོ་དེ་བྱམས
42a3 པ་དང་སྙིང་རྗེར་ལྡན་ཏེ། ཚད་མེད་པ་བཞི་སྤྱོད་ཅིང་འགྲོ་བ་ཐམས་ཅད་ལ་སྙིང་བརྩེ་བས་དགེ་བ་བཅུས་སྲིད་འཛིན་ཏེ། ཐམས་ཅད་ཀྱིས་བཀུར་བ། ཡུལ་ན་དགྲ་མེད་ཅིང་ལོ་ལེགས་པ
42a4 འབྱོར་པ་བདེ་བ་སྐྱིད་པ་དང་ལྡན་པ་སྟེ། རིམས་གཏོང་བའི་ཡི་དགས་དག་མིའི་ཁྲག་དང་མདངས་འཕྲོག་ཅིང་ཟ་བ་ལས། དེའི་ཚེ་ན་ཡུལ་མི་ཐམས་ཅད་ལུས་དང་། ངག་དང་། ཡིད་བསྲུང
42a5 སྟེ་དགེ་བ་བཅུ་ལ་གནས་པས། ཡི་དགས་མ་རུངས་པ་དག་བཟའ་བ་མ་རྙེད་ནས། ཀུན་ལྟོགས་ཏེ་མཐུ་མེད་པར་གྱུར་ཏོ།། དེའི་ཚེ་གནོད་སྦྱིན་ལྔ་ཞིག་རྒྱལ་པོའི་དྲུང་དུ་འོངས་ནས་འདི
42a6 སྐད་ཅེས་སྨྲས་སོ། ། བདག་ཅག་གི་ཟས་ནི་མིའི་མདངས་དང་ཁྲག་ལ་བལྟོས་ཏེ། ལུས་དང་སྲོག་འཚོ་བ་ལས་རྒྱལ་པོས་བཀར་བཏགས་ཏེ། ཐམས་ཅད་དགེ་བཅུ་ལ་གནས་པས་བདག
42a7 ཅག་ཟས་དང་སྐོམ་མི་རྙེད་དེ་ཉམ་ཐག་ནས་སྲོག་ལ་བབ་བོ། ། རྒྱལ་པོ་ཆེན་པོ་བདག་ཅག་ལ་ཡང་ཐུགས་མི་བརྩེ་འམ་ཞེས་གསོལ་ནས། རྒྱལ་པོས་ཀྱང་དེ་དག་ལ་སྙིང་བརྩེ་བའི་ཕྱིར་ལུས་ཀྱི
iiif viewer powered by OpenSeadragon
