| e-texts navigator |
| Wylie |
41b1 དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ཀུན་དགའ་བོ་བསོད་སྙོམས་ཀྱི་བྱ་བ་བྱས་ནས། ཚལ
41b2 ཞིག་གི་ནང་ན་བསམ་གཏན་དུ་འདུག་སྟེ། འདི་སྙམ་དུ་རྟོག་པ་སྐྱེས་སོ།། སངས་རྒྱས་བཅོམ་ལྡན་འདས་འཇིག་རྟེན་དུ་གཤེགས་པ་ངོ་མཚར་ཆེ་སྟེ། སེམས་ཅན་མང་པོ་ཡང་རབ་ཏུ་བདེ་བ
41b3 ལ་བཀོད། ཀོའུ་དི་ནྱ་ལ་སོགས་པའི་དགེ་སློང་རྟེན་ལྔ་དགེ་བའི་རྩ་བ་ཅིར་བསྔོས་ན། ཆོས་ཀྱི་སྒོ་རྣམ་པར་ཕྱེ་མ་ཐག་ཏུ་འཇུག་པར་གྱུར། ཆོས་ཀྱི་རྔ་བརྡུངས་མ་ཐག་ཏུ་ཐོག་མར་ཐོས་པར
41b4 གྱུར་ཆོས་ཀྱི་བདུད་རྩིས་ཐོག་མར་ངོམས་པར་གྱུར་སྙམ་རྟོག་པ་སྐྱེས་ཏེ། འདུག་པ་ལས་ལངས་ནས་སངས་རྒྱས་ག་ལ་བ་དེར་སོང་ནས་ཕྱིན་པ་དང་། ཇི་ལྟར་བསམ་པ་བཞིན་དུ་བཅོམ
41b5 ལྡན་འདས་ལ་གསོལ་ཏོ། ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཀོའུ་རི་ནྱ་ལ་སོགས་པ་ནི་སྔོན་འདས་པའི་དུས་ན་ཡང་ངས་ཤ་དང་ཁྲག་གིས་བཀྲེས་སྐོམ་པ
41b6 ལས་ཆོག་པར་བྱིན་ཏེ། བདེ་བར་བྱས་པས་དེ་བས་ན་ང་མངོན་པར་སངས་རྒྱས་ནས་ཀྱང་སྔར་རྣམ་པར་གྲོལ་བ་ལ་བཀོད་དེ། རྒྱུ་དང་རྐྱེན་མེད་པ་ནི་མ་ཡིན་ནོ།། ཚེ་དང་ལྡན་པ་ཀུན་དགའ
41b7 བོས་བཅོམ་ལྡན་འདས་ལ་གསོལ་པ། སྔོན་འདས་པའི་དུས་ན་ཇི་ལྟ་བུར་བཀྲེས་སྒོམ་པ་ལས་བདེ་བ་མཛད་པ་བསྟན་དུ་གསོལ། འཁོར་མང་པོ་འདི་དག་གིས་ཐོས་ན་རྟོགས་པར་འགྱུར་རོ།། །
iiif viewer powered by OpenSeadragon
