| e-texts navigator |
| Wylie |
41a1 དེའི་ཚེ་ན་སློབ་པ་གཞན་ལ་ཞུགས་པའི་ཀུན་ཏུ་རྒྱུ་སྟོང་ཙམ་ཞིག་དྲང་སྲོང་བཟོད་པ་ཅན་ལ་རྒྱལ་པོ་དེ་དང་ཅིང་མོས་པ་མཐོང་ནས་ཕྲག་དོག་སྐྱེས་ཏེ་བདེན་པ་མི་སྣང་བའི་གནས
41a2 ནས་ས་རྡུལ་དང་། བཅོག་ཅིང་སྨེ་བའི་བག་གིས་དྲང་སྲོང་དེ་ལ་གཏོར་རོ།། དེའི་ཚེ་ན་ཀུན་ཏུ་རྒྱུ་ང་ལ་སས་གཏོར་བ་བརྒྱ་ཕྲག་བཅུ་པོ་དེ་ནི་ད་ལྟར་གྱི་ཆུ་བོ་འོད་སྲུངས་ལ་སོགས་པའི་དགེ་སློང་བརྒྱ་ཕྲག
41a3 བཅུ་ཡིན་ཏེ། དེའི་ཚེ་ན་ཡི་དམ་བཅས་ནས་བདག་བཟོད་པ་བསྒོམ་པ་རྒྱུན་མི་འཆད་པ་འདིས་ནམ་མངོན་པར་སངས་རྒྱས་པ་ན་བདུད་རྩིའི་ཆུས་ཁྱེད་ཀྱི་རྡུལ་དང་དྲི་མ་བཀྲུས་ཏེ། འདོད་པའི་བཙོག་པ
41a4 ཡོངས་སུ་དག་པར་ཤོག་ཅིག་ཅེས་དམ་བཅས་སོ། ། དགེ་སློང་དག་དེའི་ཚེ་ན་དྲང་སྲོང་བཟོད་པ་ཅན་དེ་ཤེས་པར་འདོད་ན་གཞན་དུ་མ་སེམས་ཤིག། དེ་ནི་ད་ལྟར་ང་ཡིན་ནོ།། རྒྱལ་པོ་རྩོད
41a5 བྱུང་དང་། བློན་པོ་བཞི་ནི་ཀཽ་དི་ནྱ་ལ་སོགས་དགེ་སློང་རྟེན་ལྔ་ཡིན་ནོ།། དེའི་ཚེ་བཟེད་པ་བསྒོམས་པ་ན་འདི་དག་གི་དོན་སྔར་བྱའོ་ཞེས་དམ་བཅས་པས་མངོན་པར་སངས་རྒྱས་ནས།
41a6 སྔར་འདི་དག་སྡུག་བསྔལ་ལས་ཡོངས་སུ་གྲོལ་བར་མཛད་དོ།། དགེ་སློང་གི་རྣམས་སངས་རྒྱས་ཀྱིས་གསུངས་པ་ལ་རྗེས་སུ་ཡི་རང་ནས་མངོན་པར་དགའ་འོ།། བཟོད་པའི་ལེའུ
41a7 སྟེ་བཅུ་གཅིག་པའོ། ། །། བམ་པོ་གསུམ་པ།། ། རྒྱལ་པོ་བྱམས་པའི་སྟོབས་ཀྱིས་སྦྱིན་པའི་ལེའུའོ།། འདི་སྐད་བདག་གིས་ཐོས་པ
iiif viewer powered by OpenSeadragon
