| e-texts navigator |
| Wylie |
40b1 དང་རྒྱལ་པོ་ཡང་དངང་སྐྲག་ནས་དྲང་སྲོང་ལ་སྨྲས་པ། ཁྱོད་བཟོད་པ་ཅན་ཡིན་པར་ཅིས་ཡིད་ཆེས་པར་འགྱུར། དྲང་སྲོང་གིས་སྨྲས་པ། བདག་གིས་སྨྲས་པའི་ཚིག་བརྫུན་པ་མ་ཡིན་ཏེ། བདེན
40b2 ན་བདེན་པ་དེས་ཁྲག་འོ་མར་གྱུར་ཅིང་ཡན་ལག་བཅད་པ་ཡང་སྔ་སོ་བཞིན་གྱུར་ཅིག་ཅེས་སྨྲས་མ་ཐག་ཏུ། ཁྲག་འོ་མར་གྱུར་ནས་ཡན་ལག་ཀྱང་སྔ་སོ་བཞིན་དུ་གྱུར་ཏོ།། རྒྱལ་པོས་དེ་ལྟར་བཟོད
40b3 པ་དང་ལྡན་པར་མཐོང་ནས། ལྷག་པར་འཇིགས་སྐྲག་སྟེ། བདག་ཅིའི་སླད་དུ་དྲང་སྲོང་ཆེན་པོ་ལ་གནོད་པ་བགྱིས། བདག་ལ་ཐུགས་བརྩེ་བར་དགོངས་ཏེ། འགྱོད་ཚངས་བྱ་བར
40b4 གནོང་ཞིག་ཅེས་གསོལ་ཏོ། ། དྲང་སྲོང་གིས་སྨྲས་པ། ཁྱོད་ནི་བུད་མེད་ཀྱི་ཕྱིར་མཚོན་ཐོགས་ནས་བདག་གི་ཡན་ལག་བཅང་མོད་ཀྱི། བདག་གིས་བཟོད་པ་ནི་ས་དང་འདྲ་བས། ཕྱིས
40b5 མངོན་པར་སངས་རྒྱས་པ་ན་ཤེས་རབ་ཀྱི་རལ་གྲིས་ཁྱོད་ཀྱི་དུག་གསུམ་ཆོད་པར་ཤོག་ཅིག་ཅེས་སྨྲས་སོ། ། དེའི་ཚེ་ན་རི་དེའི་ལྷ་དང་ཀླུ་རྣམས་ཀྱིས་དྲང་སྲོང་དེ་ལ་རྒྱལ་པོ་དེ་འཚེ་ཞིང་གནོད་པར
40b6 བྱས་པ་མཐོང་ནས། སོ་སོ་ནས་ཁྲོས་ཏེ་སྤྲིན་བསྡུས་ནས་འབྲུག་དང་། སེར་བ་དང་། གནམ་ལྕགས་པབ་སྟེ། རྒྱལ་པོ་འཁོར་དང་བཅས་པ་བསད་པར་བྱས་པ་ལས། དྲང་སྲོང
40b7 གིས་ཁྱེད་ངའི་ཕྱིར་འདི་ལྟ་བུའི་གནོད་པ་དང་འཚེ་བ་མ་བྱེད་ཅིག་ཅེས་བསྒོའོ། ། རྒྱལ་པོ་དེས་དེར་འགྱོད་ཚངས་བྱས་ནས། དྲང་སྲོང་དེ་རྟག་ཏུ་ཕོ་བྲང་དུ་སྤྱན་དྲངས་ནས་མཆོད་པ་བྱས་སོ།།
iiif viewer powered by OpenSeadragon
