| e-texts navigator |
| Wylie |
3b1 ཆུང་མ་དང་། བུ་དང་། བུ་མོ་དང་། ཅིའི་སླད་དུ་མགོན་མ་མཆིས་པ་འདི་དག་ཡོངས་སུ་གཏོང་བར་དགོངས་སྔོན་འདས་པའི་དུས་ཡུན་རིང་པོ་ན། འཛམ་བུའི་གླིང་འདིར་རྒྱལ
3b2 པོ་ཆེན་པོ་ཁ་དོག་དམ་པ་ཞེས་བགྱི་བ། འཇིག་རྟེན་འདི་ལ་དབང་སྒྱུར་བ་ཞིག་བྱུང་སྟེ། རྒྱལ་པོ་དེ་ལ་རྒྱལ་ཕྲན་ནི་བརྒྱུད་ཁྲི་བཞི་སྟོང་མངའ། ལྗོངས་ཆེན་པོ་སྟོང་ཕྲག་དྲུག་ཅུའི་ནང་ན།།
3b3 གྲོང་ཁྱེར་ཡང་ཁྲི་ཕྲག་བརྒྱད་ཅུ་མངའ་སྟེ། རྒྱལ་པོ་དེ་ལ་བཙུན་མོ་ནི་སྟོང་ཕྲག་ཉི་ཤུ། བློན་པོ་ཆེན་པོ་ནི་སྟོང་ཕྲག་བཅུ་སྙད་མངའ་འོ།། རྒྱལ་པོ་ཁ་དོག་དམ་པ་དེའི་གཟི་བརྗིད་དང་མཐུ
3b4 དཔེ་མ་མཆིས་པར་ཆེ་སྟེ། འབྱོར་པ་དང་། བདེ་བ་དང་། ལོ་ལེགས་པ་དང་། མི་ལ་སོགས་པ་སྐྱེ་བོ་མང་ཞིང་རབ་ཏུ་མང་བ་དང་ལྡན་པ་དེས་འདི་སྙམ་དུ་བསམས་ཏེ། བདག་གིས
3b5 ནི་རིན་པོ་ཆེ་དང་ལོངས་སྤྱོད་ཀྱིས་འགྲོ་བ་ཐམས་ཅད་ལ་ཕན་བཏགས་ཀྱི། དམ་པའི་ཆོས་ཀྱིས་ཕན་འདོགས་པར་མ་གྱུར་ཏེ། འདི་དག་ནི་བདག་གི་སྐྱོན་དུ་འགྱུར་གྱིས། དམ་པའི་ཆོས
3b6 གང་ན་མཆིས་པ་བཙལ་ཏེ། ཐམས་ཅད་དགྲོལ་བར་བྱའོ་སྙམ་དུ་བསམས་ནས། འདི་སྐད་ཅེས་བཀར་བཏགས་སོ།། འཛམ་བུའི་གླིང་འདི་ན་སུ་ལ་དམ་པའི་ཆོས་ཡོད་པ་དེ་བདག་ལ་སྟོན་པར
3b7 གྱུར་ན། དེ་ཡིད་དང་མི་འགལ་བར་ཅི་དང་ཅི་འདོད་པ་སྦྱིན་ནོ་ཞེས་བསྒྲགས་ཀྱང་སྟོན་ནུས་པ་མ་བྱུང་ངོ་།། དེའི་ཚེ་ན་རྒྱལ་པོ་དེ་མྱ་ངན་གྱིས་ཡིད་གདུངས་ཏེ། མི་དགའ་བར་གྱུར་པ་ངལ
iiif viewer powered by OpenSeadragon
