| e-texts navigator |
| Wylie |
39b1 པོབོ་བཅས་ཏེ་ནམ་མངོན་པར་སངས་རྒྱས་ན། སྔར་འདི་དག་གི་དོན་བྱ་བར་ཤོག་ཅིག་ཅེས་དམ་བཅས་སོ།། དགེ་སློང་རྣམས་ཀྱིས་དེ་སྐད་ཅེས་ཐོས་ནས། བཅོམ་ལྡན་འདས་ཀྱིས་སྔོན་ཐུགས་དམ་ཇི་ལྟར
39b2 བཅས་པ་ཐུགས་བརྩེ་བར་དགོངས་ཏེ། རྒྱས་པར་བསྟན་དུ་གསོལ། བཅོམ་ལྡན་འདས་ཀྱིས། དགེ་སློང་རྣམས་ལ་བཀའ་སྩལ་པ། ཁྱེད་རྟག་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་།
39b3 ཁྱེད་ལ་བསྟན་པར་བྱའོ།། སྔོན་འདས་པའི་བསྐལ་པ་ཚད་མེད། གྲངས་མེད། དཔག་ཏུ་མེད། བསམ་གྱིས་མི་ཁྱབ། བརྗོད་ཀྱིས་མི་ལང་བ་འདས་པའི་སྔ་རོལ་ན། ཡུལ་ཝཱ་རཱ་ཎཱ་སི་ཞེས
39b4 བྱ་བར་རྒྱལ་པོ་རྩོད་བྱུང་ཞེས་བྱ་བ་ཞིག་བྱུང་སྟེ། དེའི་ཚེ་ཡུལ་དེ་ན་དྲང་སྲོང་བཟོད་པ་ཅན་ཞེས་བྱ་བ་འཁོར་སློབ་མ་ལྔ་བརྒྱ་དང་རིའི་ནགས་ན་གནས་ཤིང་བཟོད་པ་སྒོམ་མོ།། དེའི་ཚེ་ན་རྒྱལ་པོ་དེ་བཙུན
39b5 མོ་དང་ཕོ་བྲང་གི་སླས་དང་། བློན་པོར་བཅས་ཏེ་རི་ལ་རོལ་ཏུ་གཤེགས་པ་ལས་གནས་ཤིག་ཏུ་མཉེལ་ཏེ་གཟིམས་པ་དང་། ཕོ་བྲང་སླས་རྣམས་སྔོན་དུ་དོང་ནས་གནས་དང་མེ་ཏོག་རྣམས
39b6 ལྟ་ཞིང་སོང་སོང་བ་ལས། དྲང་སྲོང་བཟོད་པ་ཅན་ལུས་དྲང་པོར་བཞག་སྟེ་ཤིན་ཏུ་སེམས་ཤིང་འདུག་པར་མཐོང་ནས། དེ་ལ་དད་པའི་སེམས་སྐྱེས་ཏེ། མེ་ཏོག་སྣ་ཚོགས་ཀྱིས་གཏོར་རོ།།
39b7 བཙུན་མོ་དེ་དག་དེའི་མདུན་དུ་འཁོད་དེ་ཆོས་ཀྱང་མཉན་ཏོ།། རྒྱལ་པོ་གཟིམས་པ་ལས་སད་ནས་བཙུན་མོ་རྣམས་མི་སྣང་བ་དང་། བློན་པོ་བཞི་དང་བཙུན་མོ་བཙལ་བ་ལས། བཙུན་མོ་རྣམས
iiif viewer powered by OpenSeadragon
