| e-texts navigator |
| Wylie |
38b1 བརྗོད་ཀྱིས་མི་ལང་ངོ་། ། དེའི་ཚེ་ན་དགེ་འདུན་མང་པོ་གྲོང་རྒྱུ་ཞིང་གཤེགས་པ་ལས། དེའི་ཚེ་གྲོང་ཁྱེར་ན་གནས་པའི་ཁྱིམ་བདག་མང་པོས་དགེ་འདུན་སྤྱན་དྲངས་ཏེ་མཆོད་པ་རྣམ་པ་སྣ་ཚོགས་བྱས
38b2 སོ། ། དེའི་ཚེ་ན་མི་དབུལ་པོ་ཞིག་དད་པས་རྗེས་སུ་ཡི་རང་བའི་སེམས་སྐྱེས་ཀྱང་། ལོངས་སྤྱོད་དང་མཆོད་པའི་ཡོ་བྱད་ཅི་ཡང་མེད་པས། རྡེའུ་དཀར་པོ་ལ་བྱས་པའི་ནོར་བུ་སྤར་གང་གིས
38b3 དགེ་འདུན་ལ་གཏོར་ནས་སྨོན་ལམ་ཆེན་པོ་བཏབ་བོ། ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་དུས་ན་མི་དབུལ་པོ་ནོར་བུ་སྤར་གང་གིས་དགེ་འདུན་ལ
38b4 གཏོར་བ་དེ་ནི་དགེ་སློང་ལྷའི་རིན་ཆེན་འདི་ཡིན་ནོ། ། འདས་པའི་དུས་ན་བསམ་པ་དག་པའི་དད་པས་རྡེའུ་དཀར་པོའི་ནོར་བུ་སྤར་གང་གིས་དགེ་འདུན་ལ་གཏོར་བ་ཙམ་གྱིས། བསྐལ་པ་དགུ
38b5 བཅུ་རྩ་གཅིག་གི་བར་དུ་བསོད་ནམས་ཚད་མེད་པས་ནོར་བུ་རིན་པོ་ཆེ་མང་བ་དང་། བགོ་བ་དང་། བཟའ་བ་ལྷུན་གྱིས་གྲུབ་ཅིང་ལོངས་སྤྱོད་ཅེས་ཀྱང་མི་བྲེལ་བར་གྱུར་ཏོ།། དེའི་ཚེ་ན་བསམ
38b6 པ་དག་པའི་དད་པ་ཙམ་གྱིས་ནི། ང་འཇིག་རྟེན་དུ་གཤེགས་པ་དང་ཕྲད་ནས་འབྲས་བུའི་བར་དུ་ཐོབ་པར་གྱུར་ཏེ། དེའི་ཚེ་ན་འཁོར་མང་པོ་རྣམས་སངས་རྒྱས་ཀྱིས་གསུངས་པ་ཐོས་ནས་བསམ
38b7 པ་དག་པའི་དད་པ་སྐྱེས་ཏེ། ལ་ལ་ནི་འབྲས་བུ་དང་པོ་ནས། འབྲས་བུ་བཞིའི་བར་དུ་ཐོབ་པར་གྱུར་ཏོ།། ལ་ལ་ནི་ཕྱིར་མི་ལྡོག་པའི་ས་ལ་གནས་པའི་སེམས་བསྐྱེད་པར་གྱུར་ཏོ།། འཁོར
iiif viewer powered by OpenSeadragon
