| e-texts navigator |
| Wylie |
387b1 བསྒྱུར་བ་དག་བྱུང་ངོ་། ། པདྨ་དེ་དག་ལས་ཀྱང་སངས་རྒྱས་བཅོམ་ལྡན་འདས་བཞི་བྱུང་བར་གྱུར་ཏེ། ཤར་ཕྱོགས་ནས་ནི་དེ་བཞིན་གཤེགས་པ་མི་འཁྲུགས་པ་བྱུང་། ལྷོ་ཕྱོགས་ནས་ནི་དེ་བཞིན་གཤེགས
387b2 པ་རི་ནི་ཆེན་ཏོག་བྱུང་། ནུབ་ཕྱོགས་ནས་ནི་དེ་བཞིན་གཤེགས་པ་ཚེ་དཔག་མེད་བྱུང་། བྱང་ཕྱོགས་ནས་ནི་དེ་བཞིན་གཤེགས་པ་རྔ་སྒྲ་བྱུང་སྟེ། སེང་གེའི་ཁྲི་དེ་དག་ལས་སངས་རྒྱས་བཅོམ
387b3 ལྡན་འདས་དེ་དག་བྱུང་མ་ཐག་ཏུ། དེ་ནས་དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་སྣང་བ་ཆེན་པོས་ཁྱབ་པར་གྱུར་ཏོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བར་དང་། ཕྱོགས
387b4 བཅུ་ཀུན་ཏུ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་བར་དག་སྣང་བས་ཁྱབ་པར་གྱུར། ལྷའི་མེ་ཏོག་དག་གི་ཆར་ཡང་བབ། ལྷའི་སིལ་སྙན་གྱི་སྒྲ་ཡང་བྱུང་ངོ་།། སངས་རྒྱས་ཀྱི་མཐུས་སྟོང
387b5 གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་སེམས་ཅན་ཐམས་ཅད་ཀྱང་ལྷའི་བདེ་བ་དང་ལྡན་པར་གྱུར་ཏེ། སེམས་ཅན་དབང་པོ་མ་ཚང་བ་རྣམས་ནི་དབང་པོ་ཐམས་ཅད་དང་ལྡན་པར་གྱུར། སེམས
387b6 ཅན་དམུས་ལོང་དག་ནི་མིག་གིས་གཟུགས་རྣམས་མཐོང་། ། སེམས་ཅན་འོན་པ་དག་ནི་རྣ་བས་སྒྲ་རྣམས་ཐོས། སེམས་ཅན་སྨོན་པ་དག་ནི་དྲན་པ་སོ་སོར་རྙེ་ད། སེམས་ཅན་གཡེང་བ་དག་རི
387b7 སེམས་མི་གཡེང་བར་གྱུར། སེམས་ཅན་སྒྲེན་མོ་རྣམས་ནི་གོས་བགོ་བར་གྱུར། སེམས་ཅན་བཀྲེས་པ་དག་ནི་ལྟོ་འགྲངས་པར་གྱུར། སེམས་ཅན་སྐོམ་པ་དག་ནི་སྐོམ་པ་དག་དང་བྲལ་བར་གྱུར།
iiif viewer powered by OpenSeadragon
