| e-texts navigator |
| Wylie |
386a1 དམ་པ་མཉན་པར་བྱ། ། གང་དག་ཡིད་དགེ་སེམས་དང་ཞིང་།། གོས་གཙང་རྣམས་ཀྱིས་རབ་བརྒྱན་ཏེ།། ཟབ་མོ་སངས་རྒྱས་སྤྱོད་ཡུལ་བ།། མདོ་འདི་ཉེན་པར་བྱེད་ན་ནི།
386a2 མདོ་སྡེ་འདི་ཡི་གཟི་བརྗིད་ཀྱིས།། སྲོག་ཆགས་ཀུན་གྱི་གནོད་པ་དག། ཤིན་ཏུ་མི་བཟད་འདི་དང་འདྲ།། དེ་དག་རྟག་ཏུ་ཞི་བར་འགྱུར།། འཇིག་རྟེན་སྐྱོང་བ་བདག་ཉིད་དང་། བློན་པོ་ཚོགས་ཀྱི་དབང
386a3 ཕྱག་བཅས། ། གནོད་སྦྱིན་བྱེ་བ་དུ་མ་ཡིས།། དེ་དག་ལ་ནི་སྲུང་བར་བྱེད།། ལྷ་མོ་ཆེན་མོ་དབྱངས་ཅན་དང་།། ན་ར་འཛའ་ནར་གནས་པ་དང་།། འབྱུང་པོ་མ་མོ་འཕྲོག་མ་དང་།། ས་ཡི་ལྷ་མོ
386a4 བརྟན་མ་དང་། ། ཚངས་པའི་དབང་དང་ལྷ་དབང་དང་།། ཀླུ་དབང་མཐུ་ཆེན་རྣམས་དང་ནི།། མི་འམ་ཅི་དབང་ལྷ་མིན་དབང་།། དེ་བཞིན་ནམ་མཁའ་ལྡིང་དབང་རྣམས།། སྡེ་དང་སྟོབས་དང་བཞོན
386a5 པ་དང་། ། བཅས་ཏེ་དེ་དག་དེར་ལྷགས་ནས།། ཉིན་དང་མཚན་མོ་མི་གཡེལ་བར།། དེ་དག་ལ་ནི་སྲུང་བར་བྱེད།། ཟབ་མོ་སངས་རྒྱས་སྤྱོད་ཡུལ་བ།། སངས་རྒྱས་ཀུན་གྱི་གསང་བ་སྟེ།། བསྐལ།
386a6 པ་བྱེ་བར་རྙེད་དཀའ་བ།། མདོ་འདི་རབ་ཏུ་བཤད་པར་བྱ།། གང་དག་མདོ་འདི་ཉན་པ་དང་།། གང་དག་གཞན་ལ་ཐོས་བྱེད་དང་།། གང་སུ་རྗེས་སུ་ཡི་རང་དང་།། གང་དག་མཆོད་པར་བྱེད་པ་རྣམས།།
386a7 དེ་དག་ལྷ་དང་ཀླུ་དག་དང་།། མི་དང་མི་འམ་ཅི་དག་དང་།། ལྷ་མིན་གནོད་སྦྱིན་དུ་མ་ཡིས།། བསྐལ་པ་བྱེ་བར་མཆོད་པར་འགྱུར།། སྲོག་ཆགས་བསོད་ནམས་བྱེད་པ་རྣམས།། དེ་དག་བསོད་ནམས
iiif viewer powered by OpenSeadragon
