| e-texts navigator |
| Wylie |
36a1 དགའ་འོ། གསེར་དབྱིག་གི་ལེའུ་སྟེ་བརྒྱད་པའོ།། ལྷའི་མེ་ཏོག་གི་ལེའུའོ།། འདི་སྐང་བདག་གིས་ཐོས་པ་དུས་གཅིག་ན། བཅོམ
36a2 ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ།། དེའི
36a3 ཚེ་ཡུལ་དེ་ན་ཁྱིམ་བདག་རིགས་ཆེ་ཞིང་མཐོ་བའི་ཆུང་མ་ལ་བུ་གཅིག་བཙས་ན། བྱད་གཟུགས་ལེགས་པ། བལྟ་ན་སྡུག་པ། བཟང་བ་ཤིན་ཏུ་མཛེས་པ་ཞིག་བཙས་སོ།། བཙས་མ་ཐག་ཏུ།
36a4 ནམ་མཁའ་ལས་ལྷ་རྫས་ཀྱི་མེ་ཏོག་ཆར་བཞིན་དུ་བབ་སྟེ། ཁང་པ་ཀུན་གང་བས་བུའི་མིང་ཡང་ལྷའི་མེ་ཏོག་ཅེས་བཏགས་སོ།། ཁྱེའུ་དེ་ཕྱིས་ཆེར་སྐྱེས་ནས་སངས་རྒྱས་གང་ན་བ་དེར་སོང་སྟེ
36a5 བྱིན་པ་དང་། སངས་རྒྱས་ཀྱི་སྐུ་མདོག་དང་། མཚན་དང་། དཔེ་བྱད་བཟང་པོ་དཔེ་མེད་པ་མཐོང་ནས་རབ་ཏུ་དགའ་བ་སྐྱེས་ཏེ་འདི་སྙམ་དུ་བསམས་སོ།། བདག་འཇིག་རྟེན་འདིར་སྐྱེས
36a6 ཀྱང་འཕགས་པ་གཙོ་བོ་དང་ཕྲད་ཀྱིས། སངས་རྒྱས་དང་དགེ་སློང་གི་དགེ་འདུན་སྤྱན་དྲང་ངོ་སྙམ་བསམས་ནས། སངས་རྒྱས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་འཕགས
36a7 པའི་དགེ་འདུན་དང་བཅས་ཏེ། སང་གི་གདུགས་ལ་བདག་གི་མཆིས་བྲང་དུ་ཡོད་སྙོམས་ངན་པ་ཞིག་སྦྱར་གྱིས། བསོད་ནམས་བསྐྱེད་པའི་སླད་དུ་གཤེགས་པར་ཅིག་ནང་ཞེས་གསོལ་པ་དང་།།
iiif viewer powered by OpenSeadragon
