| e-texts navigator |
| Wylie |
35b1 བཅས་པ་རྒྱལ་པོའི་ཕོ་བྲང་དུ་སྤྱན་དྲངས་ཏེ་གཤེགས་པ་མཐོང་ནས་རབ་ཏུ་དགའ་མགུ་རངས་ཏེ། དོང་ཚེ་གཉིས་བདོག་པ་སངས་རྒྱས་དང་དགེ་འདུན་ལ་ཕུལ་བ་དང་། བཅོམ་ལྡན་འདས་ཀྱིས
35b2 དེ་ལ་ཐུགས་བརྩེ་བར་དགོངས་ཏེ་དོང་ཚེ་གཉིས་བཞེས་ཏེ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། དེའི་ཚེ་ན་མི་དབུལ་པོ་ངེས་དོང་ཚེ་གཉིས་ཤིག་སངས་རྒྱས་དང་།
35b3 དགེ་འདུན་ལ་ཕུལ་བས། བསྐལ་པ་དགུ་བཅུ་རྩ་གཅིག་གི་བར་དུ་ལག་ན་གསེར་གྱི་དོང་ཚེ་རྟག་ཏུ་ཐོགས་པར་གྱུར་ཏོ།། ནོར་དང་། རིན་པོ་ཆེ་དང་། འཚོ་བའི་ལོངས་སྤྱོད་ཟད་མི་ཤེས
35b4 པར་གྱུར་ཏོ། ། དེའི་ཚེ་དེའི་དུས་ན་མི་དབུལ་པོ་དེ་ནི་དགེ་སློང་གསེར་དབྱིག་འདི་ཡིན་ཏེ། མི་འདིས་ཇི་སྟེ་དགྲ་བཅོམ་པའི་འབྲས་བུ་ཐོབ་ན་ཡང་མ་འོངས་པའི་འབྲས་བུ་རྣམ་པར་སྨིན་པ་ཡང་ཚད
35b5 དཔག་ཏུ་མེད་དོ། ། དེ་བས་ན་ཀུན་དགའ་བོ་སེམས་ཅན་ཐམས་ཅད་ཀྱིས་སྦྱིན་པ་སྦྱིན་པའི་ལས་ལ་བརྩོན་པར་བྱའོ།། དེའི་ཚེ་ན་ཀུན་དགའ་བོ་དང་འཁོར་མང་པོ་རྣམས་སངས་རྒྱས་ཀྱིས་གསུངས
35b6 པ་འདི་ཐོས་ནས་དད་ཅིང་མོས་པར་གྱུར་ཏེ། ལ་ལ་ནི་རྒྱུན་དུ་ཞུགས་པའི་འབྲས་བུ་ཐོབ། ལ་ལ་ནི་ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ་བོ།། ལ
35b7 ལ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། ལ་ལ་ནི་ཕྱིར་མི་ལྡོག་པའི་ས་ལ་གནས་པར་གྱུར་ཏེ། འཁོར་ཐམས་ཅད་སངས་རྒྱས་ཀྱིས་གསུངས་པ་ལ་མངོན་པར
iiif viewer powered by OpenSeadragon
