| e-texts navigator |
| Wylie |
35a1 རྫོགས་ནས་བརྩོན་འགྲུས་བསྒོམས་པས་དགྲ་བཅོམ་པ་ཐོབ་པར་གྱུར་ཏོ། ། ཀུན་དགའ་བོས། བཅོམ་ལྡན་འདས་ལ་གསོལ་པ། བཅོམ་ལྡན
35a2 འདས་དགེ་སློང་གསེར་དབྱིག་འདི་སྔོན་བསོད་ནམས་ཅི་ཞིག་བགྱིས་ན། ཐོག་མ་བཙས་ནས་ད་ཙམ་གྱི་བར་དུ་གསེར་གྱི་དོང་ཚེ་ཐོགས་པ། བཅོམ་ལྡན་འདས་ཀྱིས་བསྟན་དུ་གསོལ། བཅོམ
35a3 ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། རྟག་པར་ཉོན་ལ་ཤིན་ཏུ་ཡིད་ལ་ཟུང་ཞིག་དང་། ཁྱོད་ལ་བསྟན་པར་བྱའོ་ཞེས་བཀའ་སྩལ་པ་དང་། ཀུན་དགའ་བོས་དེ་བཞིན
35a4 དུ་ཐོས་པར་འཚལ་ལོ་ཞེས་གསོལ་ཏོ། ། བཅོམ་ལྡན་འདས་ཀྱིས་བཀའ་སྩལ་པ། སྔོན་འདས་པའི་བསྐལ་པ་དགུ་བཅུ་རྩ་གཅིག་གི་ཕ་རོལ་ན། སངས་རྒྱས་གསེར་ཐུབ་ཅེས་བྱ་བ
35a5 འཇིག་རྟེན་དུ་གཤེགས་ཏེ། དམ་པའི་ཆོས་ཀྱིས་སེམས་ཅན་གྱི་དོན་མཛད་པ་ནི་བརྗོད་ཅིང་དཔག་ཏུ་མེད་དོ།། སངས་རྒྱས་དེ་དགེ་འདུན་དུ་བཅས་ནས་ཡུལ་རྒྱུ་ཞིང་གཤེགས་པ་ལས། ཁྱིམ
35a6 བདག་རིགས་ཆེ་ཞིང་མཐོ་བ་འབྱོར་པ་དང་ལོངས་སྤྱོད་དུ་ལྡན་པ་རྣམས་ཞལ་ཟས་རྣམ་པ་སྣ་ཚོགས་བཤམས་ཏེ། སངས་རྒྱས་དང་ཉེ་གནས་འཕགས་པའི་དགེ་འདུན་ལ་མཆོད་པ་བྱས་སོ།།
35a7 དེའི་ཚེ་ན་མི་དབུལ་པོ་ལོངས་སྤྱོད་ཅི་ཡང་མི་བདོག་པ་ཞིག་རྟག་ཏུ་རི་ལ་ཤིང་ཐུ་ཞིང་འཚེང་ངོ་།། ཕྱིས་ཤིང་བཙོངས་པའི་རིན་དུ་དོང་ཚེ་གཉིས་ཤིག་རྙེད་ནས། དབུལ་པོ་དེས་སངས་རྒྱས་དགེ་འདུན་དང
iiif viewer powered by OpenSeadragon
