| e-texts navigator |
| Wylie |
34b1 ཡོད་དོ། ། ཕ་མ་གཉིས་རབ་ཏུ་དགའ་སྟེ། གསེར་གྱི་དོང་ཆེ་གཉིས་ཀ་བླངས་ཏེ། བླངས་པའི་ཤུལ་ན་རུང་ཡང་ཡོད་པར་གྱུར་ནས་ཡང་བླངས་སོ།། དེ་བཞིན་དུ་པ་མ་གཉིས་ཀྱིས་གསེར་གྱི
34b2 དོང་ཚེ་ལག་མཐིལ་ནས་བླངས་པ། བང་མཛོད་གང་ཡང་བུའི་ལག་ནས་དོང་ཚེ་ཟད་པར་མ་གྱུར་ཏོ།། ཁྱེའུ་ང་ཕྱིས་ཆེར་སྐྱེས་ནས་ཕ་མ་ལ་བདག་རབ་ཏུ་འབྱུང་ངོ་ཞེས་གསོལ་པ་དང་། ཕ་མས
34b3 ཀྱང་ཡིད་བཞིན་དུ་གནང་ངོ་ཞེས་སྨྲས་སོ། ། དེ་ནས་ཁྱེའུ་གསེར་དབྱིག་བཅོམ་ལྡན་འདས་ག་ལ་བ་དེར་སོང་ནས་ཞབས་ལ་སྤྱི་བོས་ཕྱག་འཚལ་ཏེ། སངས་རྒྱས་ལ་འདི་སྐད་ཅེས་གསོལ་ཏོ།།
34b4 བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ། སྟོན་པའི་བསྟན་པ་ལ་རབ་ཏུ་འབྱུང་བར་ཅི་གནང་ཞེས་གསོལ་པ་དང་། བཅོམ་ལྡན་འདས་ཀྱིས་ཁྱེའུ་གསེར་དབྱིག་ཁྱོད་རབ་ཏུ
34b5 འབྱུང་བར་གནང་ངོ་ཞེས་བཀའ་སྩལ་ཏོ། ། དེ་ལྟར་སངས་རྒྱས་ཀྱིས་གནང་ནས། ཁྱེའུ་གསེར་དབྱིག་སྐྲ་དང་ཁ་སྤུ་བྲེགས་ཏེ་ཆོས་གོས་གྱོན་ནས་དགེ་སྦྱོང་དུ་བྱས་སོ།། ཕྱིས་ལོ་གྲངས
34b6 ཚང་སྟེ་བསྙེན་པར་རྫོགས་རན་ནས་དགེ་འདུན་ལ་དད་པ་གསོལ་ཏེ། བསྙེན་པར་རྫོགས་པར་གསོལ་ཏོ།། བསྙེན་པར་རྫོགས་པའི་དགེ་འདུན་ལ་རིམ་གྱིས་ཕྱག་འཚལ་ཏེ། མཐར་གྱིས
34b7 ཕྱག་འཚལ་བ་ན་ལག་པ་གཉིས་ས་ལ་གར་རེག་པར་གསེར་གྱི་དོང་ཚེ་རེ་རེ་ཡོད་དེ། དེ་བཞིན་དུ་མཐར་གྱིས་ཕྱག་འཚལ་བ་ཐམས་ཅད་དུ་གསེར་གྱི་དོང་ཚེ་ཡོད་པར་གྱུར་ཏོ།། བསྙེན་པར
iiif viewer powered by OpenSeadragon
