| e-texts navigator |
| Wylie |
34a1 འཁོར་མང་པོ་ཐམས་ཅད་བཅོམ་ལྡན་འདས་ཀྱིས་རྣམ་པར་སྨིན་པའི་འབྲས་བུ་བསྟན་པ་ཐོས་ནས་བསམ་པ་ཤིན་ཏུ་དག་པའི་དད་པ་དང་ལྡན་པར་གྱུར་ཏེ། དེ་ལྟར
34a2 བསམ་པ་ཤིན་ཏུ་རྣམ་པར་དག་པས་ལ་ལ་ནི་འབྲས་བུ་དང་པོ་ནས། འབྲས་བུ་བཞི་པའི་བར་དུ་ཐོབ་པར་གྱུར་ཏོ།། ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ།། ལ་ལ་ནི་ཕྱིར་མི
34a3 ལྡོག་པའི་ས་ལ་གནས་པར་གྱུར་ཏེ། འཁོར་དེ་དག་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་ཡི་རང་ནས་མངོན་པར་དགའ་བོ།། རྒྱལ་པོ་གསལ་རྒྱལ་གྱི་བུ་མོ་རྡོ་རྗེའི་ལེའུ
34a4 སྟེ་བདུན་པའོ། ། ། གསེར་དབྱིག་གི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན
34a5 མེམོད་པས་སྦྱིན་གྱི་ཀུན་དགའ་ར་བ་ན། དགེ་སློང་ཆེན་པོའི་དགེ་འདུན་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་སོ།། དེའི་ཚེ་གྲོང་ཁྱེར་དེ་ན་ཁྱིམ་དག་གཅིག་གི་ཆུང་མ་ལ་བུ་གཅིག།
34a6 བཙས་ཏེ། མིང་ཡང་གསེར་དབྱིག་ཅེས་བཏགས་ནས། བྱད་གཟུགས་ལེགས་པ། བཟང་བ། ཤིན་ཏུ་མཛེས་པ། འཇིག་རྟེན་ན་ཟླ་མེད་པ། ཁྱེའུ་དེ་སྔོན་གྱི་ལས་ཀྱིས་ལག་པ
34a7 གཉིས་ཁུ་ཚུར་བཅངས་ནས་བྱུང་ངོ་། ། ཁྱེའུ་དེའི་ཕ་མ་ཡ་མཚན་དུ་གྱུར་ཏེ་བཀྲ་མི་ཤིས་སོ་སྙམ་ནས། ཁྱེའུ་དེའི་ཁུ་ཚུར་གཉིས་ཕྱེ་སྟེ་བལྟས་ན། ཁྱེའུའི་ལག་མཐིལ་ན་གསེར་གྱི་དོང་ཆེ་རེ
iiif viewer powered by OpenSeadragon
