| e-texts navigator |
| Wylie |
33b1 ཕྱོགས་སུ་བྱུང་བ་དང་། ནམ་མཁའ་སྟོང་པ་ལ་ཉལ་བ་དང་འདུག་པ་ལ་སོགས་པའི་ཆོ་འཕྲུལ་རྣམ་པ་སྣ་ཚོགས་བསྟན་ཏེ། ཁྱིམ་དེའི་མི་ཐམས་ཅད་ཀྱིས་ཆོ་འཕྲུལ་དེ་མཐོང་བར་བྱས་ནས་ནམ་མཁའ
33b2 ལས་བབས་ཏེ། དེའི་ཁྱིམ་དུ་གཤེགས་སོ།། ཁྱིམ་བདག་དེ་ཡང་ལྷག་པར་རབ་ཏུ་དགའ་མགུ་རངས་པར་གྱུར། བུ་མོ་དེ་ཡང་ཤིན་ཏུ་འགྱོད་པ་སྐྱེས་ནས། རང་སངས་རྒྱས་དེ་ལ་འདི་སྐད་དུ་བདག
33b3 གིས་སྔར་ཁ་ན་མ་ཐོ་བའི་ནོངས་པ་ཡང་དང་ཡང་བགྱིས་པ་བདག་གི་དངོས་སྡིག་ཏུ་མི་འགྱུར་བར་འགྱོད་ཚངས་གསོལ་ནས། རང་སངས་རྒྱས་དེས་ཀྱང་འགྱོད་ཚངས་བྱ་བར་གནང་ངོ་།། བཅོམ་ལྡན
33b4 འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེའི་ཚེ་དེའི་དུས་ན། བུ་མོ་དེ་ནི་ད་ལྟར་གྱི་རྒྱལ་པོའི་བུ་མོ་འདི་ཡིན་ཏེ། དེའི་ཚེ་མི་དགེ་བའི་སེམས་ཀྱིས་འཕགས་པ་རང་སངས་རྒྱས་ལ་སྨད་པའི
33b5 ངག་གི་ཉེས་པས། དེ་ཕྱིན་ཆད་རྟག་ཏུ་མི་སྡུག་པའི་ལུས་མྱོང་བར་གྱུར་ཏོ།། ཕྱིས་ཆོ་འཕྲུལ་མཐོང་ནས་འགྱོད་པས་ནི་ཕྱིར་ཡང་མངའ་བྱད་མཛེས་ཤིང་བཟང་བ་དང་བློ་དང་ལྡན་པར་གྱུར་ཏོ།།
33b6 རང་སངས་རྒྱས་ལ་མཆོད་པ་བྱས་པས་གང་ནས་གང་དུ་སྐྱེས་ཀྱང་། རིགས་ཆེ་ཞིང་ལོངས་སྤྱོད་འབྱོར་པ་དང་། མཐར་རྣམ་པར་གྲོལ་བར་གྱུར་ཏོ།། དེ་བས་ན་རྒྱལ་པོ་ཆེན་པོ་ཇི་ཙམ་དུ་སེམས
33b7 ཅན་གྱི་རིགས་སུ་གཏོགས་པ་ཐམས་ཅད་ནི། ལུས་དང་ངག་གི་ཉེས་པ་ཤིན་ཏུ་བསྲུང་ཞིང་གཞན་ལ་བརྙས་པ་དང་སྨད་པར་མི་བྱའོ།། དེའི་ཚེ་ན་རྒྱལ་པོ་གསལ་རྒྱལ་འཁོར་དང་བཅས་པ་དང་།
iiif viewer powered by OpenSeadragon
