| e-texts navigator |
| Wylie |
33a1 དང་སྒྲ་ཡང་དུད་འགྲོ་ལྟ་བུར་གྱུར་ཅེས་གསོལ་བ་དང་། དེ་ལ་བཅོམ་ལྡན་འདས་ཀྱིས་བཀའ་སྩལ་བ། རྒྱལ་པོ་ཆེན་པོ་སྲས་མོ་མངའ་བྱང་མཛེས་ཤིང་བཟང་བ་དང་མི
33a2 སྡུག་པ་ཡང་ཚེ་རབས་སྔ་མ་ལ་བསོད་ནམས་དང་སྡིག་པའི་ལས་བྱས་པ་ལས་གྱུར་ཏོ། ། སྔོན་འདས་པའི་དུས་ཡུན་རིང་པོ་ན་ཡུལ་ཝཱ་རཱ་ཎཱ་སི་ཞེས་བྱ་བ་དེའི་ཡུལ་མི་ཁྱིམ་བདག་རབ་ཏུ་ཕྱུག་པ།
33a3 ནོར་དབྱིག་ཚད་མེད་པ་དང་ལྡན་པ་ཞིག་བྱུང་སྟེ། ཁྱིམ་བདག་དེ་ཁྱིམ་ན་ཅི་བདོག་པ་ཐམས་ཅད་རང་སངས་རྒྱས་གཅིག་ལ་མཆོད་ཅིང་འབུལ་ལོ།། རང་སངས་རྒྱས་དེའི་སྐུ་ཤིན་ཏུ་རྩུ་བ་ལ་ངན་པ་མི་སྡུག
33a4 བསྐེམས་པ་ཞིག་སྟེ། ཁྱིམ་བདག་དེ་ལ་བུ་མོ་ཆུང་ངུ་ཞིག་ཡོད་པ་དེས། ཉིན་གཅིག་བཞིན་དུ་རང་སངས་རྒྱས་དེ་གཤེགས་པ་མཐོང་ནས། བུ་མོ་དེས་ཁ་ན་མེ་ཐོ་བའི་སེམས་བསྐྱེད་དེ་བསྙེ
33a5 སྤྱོད་ཅིང་འདི་སྐད་དུ། བྱང་བཞིན་མོ་སྡུག་པ་ལུས་ཀྱི་པགས་པ་རྩུབ་པ་འདི་རི་མོ་སྡུག་ཅེས་ཁ་བྱོས་སོ།། རང་སངས་རྒྱས་དེ་རྟག་ཏུ་དེའི་ཁྱིམ་དུ་གཤེགས་ཤིང་མཆོད་པ་བཞེས་ནས་ཡུན་རིང
33a6 མོ་ཞིག་ལོན་པ་དང་མྱ་ངན་ལས་འདའ་བར་བསམས་ཏེ། ཡོན་བདག་དེའི་ཕྱིར་སྟེང་གི་ནམ་མཁའ་ལ་འཕགས་ནས་སྐུ་ལ་མེ་འབར་བ་དང་། ཆུ་འབབ་པ་དང་། ཤར་ཕྱོགས་ནས་མི་སྣང་བར
33a7 གྱུར་ནས་ནུབ་ཕྱོགས་སུ་བྱུང་བ་དང་། ནུབ་ཕྱོགས་ནས་མི་སྣང་ནས་ཤར་ཕྱོགས་སུ་བྱུང་བ་དང་། ལྷོ་ཕྱོགས་ནས་མི་སྣང་ནས་བྱང་ཕྱོགས་སུ་བྱུང་བ་དང་། བྱང་ཕྱོགས་ནས་མི་སྣང་ནས་ལྔ
iiif viewer powered by OpenSeadragon
