| e-texts navigator |
| Wylie |
32b1 ལུས་འདི་ལྟ་བུར་འདི་ལྟར་གྱུར་ཏོ་ཞེས་གཏམ་ཞིབ་ཏུ་སྨྲས་སོ། ། ཆུང་མས་ཡང་སྨྲས་པ། བདག་གི་ཡིད་ལ་ད་ནི་ཡབ་རྒྱལ་པོ་དང་ཕྲད་འདོད་ཀྱིས། རྒྱལ་པོ་ལ་བདག་འདི་སྐད་མཆིའོ་ཞེས་གསོལ
32b2 ཅིག། ཁྱོས་ཀྱང་རྒྱལ་པོ་ལ་དེ་བཞིན་གསོལ་ནས། རྒྱལ་པོས་མག་པ་ལ་འདི་སྐད་མ་ཟེར་བར་མྱུར་དུ་སོང་ལ་ཕྱིར་འབྱུང་དུ་མ་གནང་བར་སྡོམས་ཤིག་ཅེས་བཀའ་སྩལ་ཏོ།། མག་པས་ཡང
32b3 གསོལ་པ། རྒྱལ་པོ་ཆེན་པོ་སྲས་མོ་ནི། བཅོམ་ལྡན་འདས་ཀྱི་ཐུགས་རྗེའི་བྱིན་གྱིས་ལྷ་མོ་དང་འདྲ་བར་བཟང་ཞིང་མཛེས་པར་གྱུར་ཏོ།། རྒྱལ་པོས་མག་པ་ལ་བཀའ་སྩལ་པ། ཁྱོད་སྦ
32b4 བ་བདེན་ཏེ། དེ་ལྟར་གྱུར་ན་མྱུར་དུ་ཁྲིད་དེ་ཤོག་ཅིག་ཅེས་བསྒོ་ནས། ཤིང་རྟ་བརྒྱན་ཏེ་སྲས་མོ་ཕོ་བྲང་གི་ནང་དུ་བསུའོ།། རྒྱལ་པོའི་བུ་མོ་དེ་དེ་ལྟར་བཟང་ཞིང་མཛེས་པར་གྱུར་པ་མཐོང་ནས་རབ
32b5 ཏུ་དགའ་མགུ་རངས་ཏེ། རྒྱལ་པོ་དང་། བཙུན་མོ་དང་། མག་པ་དང་། བུ་མོར་བཅས་པ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། སངས་རྒྱས་ལ་ཕྱག་འཚལ་ནས་ཕྱོགས
32b6 གཅིག་ཏུ་འཁོད་དོ། ། དེ་ནས་རྒྱལ་པོ་གསལ་རྒྱལ་པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བུ་མོ་འདིས་བསོད
32b7 ནམས་ཅི་ཞིག་བགྱིས་ན། རིགས་ཆེ་ཞིང་མཐོ་ལ་ལོངས་སྤྱོད་མང་པོ་ནོར་དབྱིག་དང་ལྡན་པའི་རིགས་སུ་སྐྱེས། སྡིག་པའི་ལས་ཅི་ཞིག་བགྱིས་ན་བྱང་གཟུགས་ཤིན་ཏུ་མི་སྡུག་ཅིང་པགས་པ
iiif viewer powered by OpenSeadragon
