| e-texts navigator |
| Wylie |
31b1 ཅན་གང་སྡུག་བསྔལ་གྱིས་གདུངས་པ་དག་གི་མགོན་དང་སྐྱབས་མཛད་དེ་ཐར་པར་མཛད་དོ་ཞེ་ན། བཅོམ་ལྡན་འདས་ལ་བདག་རྒྱང་མ་ནས་ཕྱག་འཚལ་ལོ།། ཐུགས་བརྩེ་བར་དགོངས་ཏེ་བད
31b2 གི་མདུན་དུ་མངོན་སུམ་དུ་གཤེགས་ཤིང་བདག་ལ་ཅུང་ཙམ་ཞིག་ཞལ་སྟོན་པར་ཀྱང་ཅི་མ་རུང་སྙམ་བསམས་སོ། ། བུ་མོ་དེའི་བསམ་པ་ཤིན་ཏུ་དག་ཅིང་མོས་པར་མཁྱེན་ནས། བཅོམ་ལྡན་འདས
31b3 དེའི་ཁྱིམ་དུ་གཤེགས་ཏེ། བུ་མོ་དེའི་མདུན་གྱིས་ལས་དབུ་མཐོན་མཐིང་གི་མཚན་མངོན་པར་བསྟན་པ་བུ་མོ་དེས་མཐོང་བར་མཛད་དོ།། བུ་མོ་ངེས་བཅོམ་ལྡན་འདས་ཀྱི་དབུ་མཐོ་ན་མཐིང་མཐོང
31b4 ནས་ལྷག་པར་དགའ་ཞིང་མགུ་རངས་ཏེ་བསམ་པ་ཤིན་ཏུ་དག་པར་གྱུར་ཏོ། ། བསམ་པ་ཤིན་ཏུ་དག་པས་བུ་མོ་དེའི་སྒྲ་ཡང་ཤིན་ཏུ་འཇམ་ཞིང་མཐོན་མཐིང་གི་ཁ་དོག་ཏུ་གྱུར་ཏོ།། བཅོམ་ལྡན་འདས
31b5 ཀྱི་ཞལ་ཡང་མངོན་དུ་བསྟན་པ་བུ་མོ་དེས་མཐོང་མ་ཐག་ཏུ་རབ་ཏུ་དགའ་མགུ་རངས་པས་བུ་མོ་དེའི་བཞིན་ཡང་བཟང་ཞིང་མཛེས་པར་གྱུར་ཏོ། ། མི་སྡུག་པ་དང་རྩུབ་པ་ཡང་རང་མེད་པར་གྱུར་ཏོ།།
31b6 བཅོམ་ལྡན་འདས་ཀྱི་སྐུ་སྟ་ཟུར་ཡན་ཆད་མངོན་པར་བསྟན་ཏེ། གསེར་གྱི་མདོག་ལྟ་བུའི་འོད་ལྷམ་མེར་སྣང་བར་མཛད་པ་བུ་མོ་དེས་མཐོང་ནས། སངས་རྒྱས་ལ་ལྷག་པར་དགའ་ཞིང་རབ་ཏུ
31b7 མགུ་རངས་པར་གྱུར་ཏོ། ། དེ་ལྟར་དགའ་མགུ་རངས་པས་མི་སྡུག་པ་ཐམས་ཅད་མེད་པར་གྱུར་ཏེ། ཤིན་ཏུ་མཛེས་སྡུག་པ་ནི་ལྷའི་བུ་ལྷར་འཇིག་རྟེན་ན་དཔེ་ཟླ་མེད་པར་གྱུར་ཏོ།། བཅོམ་ལྡན
iiif viewer powered by OpenSeadragon
