| e-texts navigator |
| Wylie |
30b1 བཙུན་མོ་ཆེན་མོ་ལ་བཙས་པས། མི་སྡུག་བཞིན་དུ་སུས་ཀྱང་མི་མཐོང་བའི་གནས་ཞིག་ཏུ་བསྐྱེད་དེ། ཕྱིས་ཆེར་སྐྱེས་ནས་བག་མར་གཏོང་རན་པ་དང་། རྒྱལ་པོ་རབ་ཏུ་མི་དགའ་ནས། བློན་པོ
30b2 ལ་འདི་སྐད་ཅེས་བཀའ་སྩལ་ཏོ། ། ཐེག་མ་ཚེ་རིགས་མཐོ་བ་རྗེའུ་རིགས་སུ་གཏོགས་པ་ལས། ང་འཁྱམས་ཏེ་ནོར་དང་ལོངས་སྤྱོད་མི་བདོག་པ་ཅིག་འཚོལ་ལ་ཁྲིད་དེ་ཤོག་ཅིག་ཅེས་བསྒོའོ།། དེ་ནས
30b3 བློན་པོ་དེས་ཀྱང་སྔོན་ཚེ་རིགས་མཐོ་ཞིང་རྗེའུ་རིགས་ཀྱི་བུ་ལས་འཁྱམས་ནས། དབུལ་འཕོངས་པ་ཞིག་རྙེད་དེ་རྒྱལ་པོ་ལ་ཕུལ་ལོ།། རྒྱལ་པོས་ཀྱང་དེ་དང་མི་མེད་པའི་གནས་དབེན་པ་ཞིག
30b4 ཏུ་གསང་སྟེ། ང་ལ་བུ་མོ་བྱད་བཞིན་མི་སྡུག་པ་ཞིག་ཡོད་དེ་བག་མར་བཏང་རན་ན། གཉེན་བླ་མ་རྙེད་ཀྱིས་ཚེ་རིགས་ཆེ་ཞིང་མཐོ་བ་ཁྱོད་དབུལ་ཞིང་ཅི་ཡང་མེད་མོད་ཀྱི། ཁྱོད་ཀྱི་ཆུང་མར
30b5 སྦྱིན་གྱིས་ལོང་ཞིག་ཅེས་བཀའ་སྩལ་པ་དང་། དེ་ནས་ཁྱེའུ་དེས་པུས་མོས་ལ་བཙུགས་ནས་རྒྱལ་པོའི་བཀའ་བཞིན་དུ་བགྱིའོ།། རྒྱལ་པོ་ཆེན་པོ་བདག་ལ་ཁྱི་མོ་ཞིག་སྩལ་ན་ཡང་བླང་བར
30b6 འཚལ་ན། རྒྱལ་པོའི་སྐུ་གདུང་ལ་གཏོགས་པའི་སྲས་མོ་སྤྲུལ་བ་ལྟ་ཅི་སྨོས་ཏེ། བཀའ་བཞིན་དུ་བླང་བར་འཚལ་ལོ་ཞེས་གསོལ་ཏོ།། རྒྱལ་པོས་ཀྱང་སྲས་མོ་དབུལ་པོའི་ཆུང་མར
30b7 བྱིན་ནས་དེའི་གནས་ཁང་ལེ་སོགས་པ་བྱས་ཏེ། སྒོ་བདུན་རིམ་དུ་བྱས་ནས་དམག་པ་ལ་འདི་སྐད་ཅེས་བསྒོའོ།། ཁྱོད་གུད་དུ་འགྲོ་བའི་ཚེ་ཁྱོད་ཉིད་ཀྱིས་སྒོ་ཚོད་ལ་ལྡེ་མིག་ཀྱང་ཁྱེར་ཅིག།
iiif viewer powered by OpenSeadragon
