| e-texts navigator |
| Wylie |
29b1 བས་མི་རིགས་པའི་གློ་བ་རིངས་པ་དང་། བཙུན་མོ་ལ་ངན་དུ་བགྱིས་པ་མ་ལགས་ཀྱིས། དེའི་སྲོག་ལ་ཐུགས་བརྩེ་བར་དགོངས་ཏེ་བཏང་བའི་རིགས་སོ་ཞེས་གསོལ་ནས། རྒྱལ་པོས་ཀྱང
29b2 མ་བསད་པར་ཐོང་ཞིག་ཅེས་བཀའ་སྩལ་ཏོ། ། མི་དེ་བློན་པོ་དེའི་གཡོག་བྱེད་པ་ལ་ཞུགས་ཏེ་ཕྱིས་ལོ་མང་ཞིག་ལོན་པ་དང་འདི་སྙམ་དུ་བསམས་སོ།། འདོད་ཆགས་ཀྱིས་སྨྲས་པ་ན་རལ་གྲི་བས་རྗེ་སྟེ
29b3 བདག་འདི་ལྟར་ཉམ་ཐག་པ་ཡང་འདོད་ཆགས་ཀྱི་ཕྱིར་རོ་སྙམ་བསམས་ནས། བློན་པོ་དེ་ལ་བདག་རབ་ཏུ་འབྱུང་ཞིང་ཐར་པའི་ལམ་སྒོམ་དུ་ཅི་གནང་ཞེས་གསོལ་ནས། བློན་པོ་དེས་ཀྱང་ཁྱོད་ཐར
29b4 པའི་ལམ་སྒོམ་ན་བདག་ཀྱང་གེགས་མི་བྱེད་ཀྱིས། ཁྱོད་ཐར་པར་གྱུར་ན་ཡང་ཕྱིར་བདག་དང་ཕྲད་དུ་ཤོག་ཅིག་ཅེས་བསྒོའོ།། མི་དེ་དབེན་པར་སོང་ནས་དོན་དམ་པ་ཡིད་ལ་བྱ་སྟེ། བརྩོན་འགྲུས
29b5 བརྩམས་པས་རང་སངས་རྒྱས་སུ་གྱུར་ནས། ཕྱིར་ཡང་གྲོང་ཁྱེར་དུ་སོང་སྟེ། བློན་པོ་ཆེན་པོ་ག་ལ་བ་དེར་འོངས་སོ།། བློན་པོ་དེ་རབ་ཏུ་དགའ་ནས་བསོད་སྙོམས་དང་འཚོ་བའི་ཡོ་བྱད་རྣམ་པ་བཞི་མི
29b6 བྲེལ་བར་ཕུལ་ཏེ། དེ་ནས་རང་སངས་རྒྱས་དེ་སྟེང་གི་ནམ་མཁའ་ལ་འཕགས་ནས། སྐུ་ལ་ཆུ་བབབ་པ་དང་། མེ་འབྱུང་བ་དང་། འོད་གཟེར་ཆེན་པོ་གཏོང་བ་ལ་སོགས་ཏེ། ཆོ་འཕྲུལ
29b7 རྣམ་པ་བཅོ་བརྒྱད་བསྟན་ཏོ། ། བློན་པོ་ཆེན་པོ་དེས་དེ་ལྟ་བུ་དག་མཐོང་ནས་ཚད་མེད་པའི་སྤྲོ་བ་སྐྱེས་ཏེ་འདི་སྐད་དུ་དམ་བཅས་སོ།། མི་འདི་བདག་གི་དྲིན་གྱིས་འཚོ་བར་གྱུར་གྱིས། བདག་གར
iiif viewer powered by OpenSeadragon
