| e-texts navigator |
| Wylie |
29a1 ། འདིས་སྔོན་དགེ་བའི་རྩ་བ་ཅི་བསྐྲུན་ན། བྲག་ལ་མཆོངས་ཀྱང་མ་གུམ། ཆབ་ཏུ་མཆོངས་ཀྱང་གནོད་པར་མ་གྱུར། བཙན་དུག་འཚལ་ཀྱང་མ་གུམ། མདའ་འཕང
29a2 ཀྱང་སྦས་པར་མ་གྱུར་ཏེ། བཅོམ་ལྡན་འདས་དང་མཇལ་ནས་འཁོར་བའི་མཐའ་ལས་གྲོལ་བར་གྱུར་ཅེས་གསོལ་པ་དང་། བཅོམ་ལྡན་འདས་ཀྱིས། རྒྱལ་པོ་ལ་འདི་སྐད་ཅེས་བཀའ་སྩལ་ཏོ།། །
29a3 སྔོན་འདས་པའི་དུས་བསྐལ་པ་གྲངས་མེད་པ་འདས་པ་ན། ཡུལ་ཝཱ་རཱ་ཎཱ་སི་ཞེས་བྱ་བ་ན་རྒྱལ་པོ་ཚངས་པས་བྱིན་ཞེས་བྱ་བ་ཞིག་ཡོད་དེ། རྒྱལ་པོ་དེའི་བཙུན་མོ་དང་ཕོ་བྲང་གི་སླས་སུ་བཅས་ནས
29a4 སྐྱེད་མོས་ཚལ་དུ་རོལ་དུ་གཤེགས་སོ། ། སྐྱེད་མོས་ཚལ་དེ་ན་ཕོ་བྲང་གི་སླས་དག་གླུ་བླངས་པ་དང་། ར་བའི་ཕྱི་རོལ་ནས་མི་ཞིག་གིས་སྐད་ཆེན་པོར་རམ་དུ་བཏེག་པ་རྒྱལ་པོས་ཐོས་སོ།། རྒྱལ
29a5 པོ་དེས་དེ་ཐོས་ནས་ཁྲོས་ཏེ་མི་དེ་ཟུང་ལ་སོད་ཅིག་ཅེས་བཀའ་སྩལ་ཏོ། ། དེའི་ཚེ་ན་བློན་པོ་ཞིག་ཕྱི་རོལ་ནས་ནང་དུ་འོང་བ་ལས། མི་དེ་བཙོན་དུ་བཟུང་བ་མཐོང་ནས། གཡོག་རྣམས་ལ་ཅི་ཉེས
29a6 ཏེ་བཟུང་ཞེས་དྲིས་སོ། ། དེ་དག་གིས་ཅིའི་ཕྱིར་བཟུང་བའི་གཏམ་ཞིབ་ཏུ་སྨྲས་ནས། བློན་པོ་དེས་དེ་དག་ལ་རེ་ཞིག་མ་བསད་པར་སྡོད་ཅིག། ཁོ་བོས་རྒྱལ་པོ་ལ་གསོལ་ལོ་ཞེས་སྨྲས་ནས།
29a7 བྲང་གི་ནང་དུ་སོང་སྟེ་རྒྱལ་པོ་ལ་འདི་སྐད་ཅེས་གསོལ་ཏོ།། འགུམས་སུ་ཁྲིད་པའི་མི་དེས་དགུམ་པ་ལ་ཐུག་པའི་ནོངས་པ་མ་བགྱིས་སོ།། གླུ་བླངས་པའི་རམ་བུ་བཏེག་པ་ནི་གཟུགས་སུ་མི་སྡང
iiif viewer powered by OpenSeadragon
