| e-texts navigator |
| Wylie |
28a1 ལ་ལྷུང་ན་ཡང་སྣང་བ་འམ་ཉེས་པ་མེད་དོ། ། དེ་ནས་ཆུ་ཆེན་པོའི་འགྲམ་དུ་སོང་སྟེ་ཆུར་མཆོངས་ན་ཡང་ཆུས་གཡེངས་ཏེ་མཉེས་པར་ཕྱིར་བྱུང་ངོ་།། བཙན་དུག་ཟོས་ན
28a2 ཡང་དུག་གི་མཐུས་གནོད་པར་མ་གྱུར་ནས། ཡང་འདི་སྙམ་དུ་བསམས་སོ།། བདག་གིས་རྒྱལ་པོའི་ཁྲིམས་དང་འགལ་བ་ཞིག་བྱས་ན། རྒྱལ་པོས་བསད་ཀྱང་སྲིད་སྙམ་བསམས་ནས།
28a3 རྒྱལ་པོའི་བཙུན་མོ་དང་སླས་རྣམས་ཕོ་བྲང་གི་ཕྱི་རོལ་ཏུ་བྱུང་སྟེ། སྐྱེད་མོས་ཚལ་གྱི་རྫིང་དུ་ཁྲུས་བྱེད་དུ་དོང་ནས། དེ་དག་གི་གོས་དང་རྒྱན་བཀྲོལ་ཏེ་ཤིང་ལ་བཞག་གོ། དེ་ལྟར་གོས་དང
28a4 རྒྱན་ཤིང་ལ་བཞག་པ་གངྒཱ་དར་དེས་མཐོང་ནས་སྐྱེད་མོས་ཚལ་དུ་ཞུགས་ཏེ། བཙུན་མོ་དེ་དག་གི་གོས་དང་རྒྱན་ཕང་པས་བཏབ་ནས་སྒོར་བྱུང་བ་དང་། སྒོ་སྲུངས་ཀྱིས་བཟུང་སྟེ་རྒྱལ་པོ་མ་སྐྱེས
28a5 དགྲ་ལ་ཕུལ་ལོ། ། རྒྱལ་པོས་དེ་སྐད་ཅེས་ཐོས་ནས་རབ་ཏུ་ཁྲོས་ཏེ། མདའ་གཞུ་བླངས་ནས་རྒྱལ་པོ་ཉིད་ལག་དར་ཏེ། ཁྱེའུ་ལ་འཕངས་ན་མདའ་འཕངས་པ་ཁྱེའུ་ལ་མ་སོང་གི་ཕྱིར་ཡང་རྒྱལ
28a6 པོའི་དྲུང་དུ་ལྷུང་ངོ་། ། ལན་གསུམ་གྱི་བར་དུ་དེ་ལྟར་གྱུར་ནས། རྒྱལ་པོ་དངངས་ཏེ་གཞུ་ཡང་བོར་ནས་ཁྱེའུ་ལ་ཁྱོད་ལྷ་འམ། ཀླུ་འམ། ཡི་དགས་སམ། གནོད་སྦྱིན་ནམ།
28a7 ཞིག་ཞེས་སྨྲས་སོ།། ཁྱེའུས་གསོལ་པ། བདག་ལ་གསོལ་པ་སྣ་གཅིག་གནང་ན་ལེགས་པར་སྨྲའོ་ཞེས་གསོལ་པ་དང་། རྒྱལ་པོས་ཀྱང་དེ་བཞིན་དུ་བྱའོ་ཞེས་སྨྲས་སོ།། ཁྱེའུས
iiif viewer powered by OpenSeadragon
