| e-texts navigator |
| Wylie |
27b1 ཤིག་ཅེས་སྨྲས་སོ། ། ལྷའི་སྲས་པོས་སྨྲས་པ། བདག་ནི་རབ་ཏུ་བྱུང་ཞིང་དམ་པའི་ཆོས་སྤྱོད་པར་དད་དེ། གལ་ཏེ་རིགས་མཐོ་ཞིང་ཆེ་བར་སྐྱེས་ན་རབ་ཏུ་འབྱུང་བར་དཀའ་འོ།། རིགས་ཐ་མ་ལ།
27b2 པར་སྐྱེས་ན་སླའོ་ཞེས་གསོལ་པ་དང་། བརྒྱ་བྱིན་གྱིས་ཡང་སྨྲས་པ། ལྷ་ཁྱོད་དེར་སྐྱེས་ཤིག་དང་། རབ་ཏུ་འབྱུང་བར་དད་ན་ངས་གྲོགས་བྱའོ་ཞེས་སྨྲས་སོ།། ལྷའི་སྲས་པོ་དེ་དེར་ཚེ་འཕོས་ནས།
27b3 བློན་པོ་དེའི་རིགས་སུ་དེའི་བཙུན་མོའི་རུམ་དུ་སྐྱེས་ཏེ། ཕྱིས་བཙས་པ་ན་དབྱིབས་ལེགས་ཤིང་བལྟ་ན་སྡུག་པ་བཟང་བ་ཞིག་བཙས་ཏེ་མཚན་མཁན་ལ་བསྟན་ནས། མཚན་མཁན་གྱིས་ཀྱང་བལྟས
27b4 བུ་འདི་ཐོག་མ་གང་ནས་རྙེད་ཅེས་དྲིས་ན། ཀླུང་གངྒཱའི་ལྷ་ལས་བསླངས་སོ་ཞེས་བྱས་ནས་བུ་དེའི་མིང་ཡང་གངྒཱའི་དར་ཞེས་བཏགས་སོ།། ཕྱིས་ཚད་དུ་ཕྱིན་པར་སྐྱེས་པ་དང་། དེས་ཕ་མ
27b5 ལ་བདག་ནི་རབ་ཏུ་འབྱུང་བར་གསོལ་ལོ་ཞེས་སྨྲས་སོ། ། དེའི་ཕ་མས་སྨྲས་པ། ཁོ་བོ་ནི་འདི་ལྟར་ཕྱུག་ཅིང་བཙན་ཏེ་ལོངས་སྤྱོད་ཆེན་པོ་དང་ལྡན་ལ། བུ་ནི་ཁྱོད་གཅིག་པུར་ཟད་དེ་ངའི་རིགས
27b6 བསབ་ཅིང་ཕ་མ་གསོ་དགོས་ཀྱིས་མི་གནང་ངོ་ཞེས་བསྒོ་བ་དང་། ཁྱེའུ་དེས་བསམས་པ་བཞིན་དུ་མ་གྱུར་པས་ཤིན་ཏུ་མི་དགའ་སྟེ། འདི་སྙམ་དུ་ལུས་འདི་མེད་པར་བྱས་ལ། རིགས་ཐ་མལ
27b7 པ་ཞིག་ཏུ་སྐྱེས་ཏེ་རབ་ཏུ་འབྱུང་བར་གསོལ་ན། འདི་བས་སླ་ཡང་སྲིད་སྙམ་བསམས་ནས་གསང་སྟེ། ཕྱི་རོལ་ཏུ་བྱུང་ནས་བྲག་མཐོན་པོ་ཞིག་ལ་མཆོངས་སོ།། བྲག་ལས་མཆོངས་ནས་ས
iiif viewer powered by OpenSeadragon
