| e-texts navigator |
| Wylie |
27a1 སྙམ་དུ་བསམས་སོ། ། བློན་པོ་འདི་ནི་ཕྱུག་ཅིང་བཙན་ལ་མཐུ་ཆེ་བས་སྨད་རིགས་ཙམ་གྱིས་འདིའི་བུར་མི་འགྱུར་ཏེ། བདག་མཐུ་ཆུངས་པས་འདིའི་སྨོན་ལས་བསྐད་མི་ནུས
27a2 སོ། གལ་ཏེ་སྨོན་པ་བཞིན་དུ་མ་བྱས་ན་གདོན་མི་ཟ་བར་མི་སྡུག་པར་མཐོ་བཙམས་སོ་སྙམ་བསམས་ནས། རྟེན་བསྲུང་བའི་ལྷ་དེས་མ་ཎི་བྷ་དྲ་ལ་གསོལ་ཏོ།། དེ་ལ་ཡང་དེ་ལྟ་བུའི་མཐུ་མེད
27a3 པས་རྣམ་ཐོས་ཀྱི་བུ་གང་ན་བ་དེར་སོང་སྟེ། རྣམ་ཐོས་ཀྱི་བུ་ལ་གསོལ་བ་དང་། རྣམ་ཐོས་ཀྱི་བུས་ཀྱང་བདག་གི་མཐུ་ཙམ་གྱིས་བུ་ཡོད་པར་མི་ནུས་སོ་སྙམ་བསམས་ནས། རྣམ་ཐོས་ཀྱི།
27a4 བུ་དེ་བརྒྱ་བྱིན་གང་ན་བ་དེར་སོང་སྟེ་འདི་སྐད་ཅེས་གསོལ་ཏོ།། བདག་གི་བློན་པོ་མ་ཎི་བྷ་དྲ་ཞེས་བགྱི་བ་དེ་བདག་ལ་འདི་སྐད་ཅེས་མཆིའོ།། རྒྱལ་པོའི་ཁབ་ན་བློན་པོ་ཆེན་པོ་ཞིག་བདག་ལ་བུ
27a5 སློང་སྟེ། སྨོན་པ་བཞིན་དུ་བྱས་ན་ནི་མཆོད་པ་དང་རིམ་གྲོ་ཡང་སྐྱེད་དོ།། སྨོན་པ་བཞིན་དུ་མ་བྱས་ན་རྟེན་ཡང་བཤིག་སྟེ་མི་སྡུག་པར་བྱའོ་ཞེས་དམ་བཅས་པས། དེས་ནི་དམ་བཅས་པ་བཞིན
27a6 དུ་གདོན་མི་འཚལ་བར་བགྱིད་ན། བརྒྱ་བྱིན་ལྷའི་དབང་པོ་ཁྱོད་ཀྱིས་དེ་ལ་བུ་ཞིག་མཆིས་པར་མཛད་དུ་གསོལ། བརྒྱ་བྱིན་གྱིས་སྨྲས་པ། འདི་ནི་ཤིན་ཏུ་ཡང་དཀའ་མོད་ཀྱི་ད་ལྟར་རྒྱུ་ཞིག་སྣང
27a7 ངོ། དེའི་ཚེ་ན་ལྷའི་སྲས་པོ་ཞིག་ཡོན་ཏན་ལྔ་དང་བྲལ་ནས་ཚེའི་དུས་བྱེད་དུ་ཉེ་བ་ཞིག་ཡོད་དེ། དེ་ལ་འདི་སྐད་ཅེས་སྨྲས་སོ།། ཁྱོད་ཚེའི་དུས་བྱེད་དུ་ཉཾ། དུས་བྱས་ནས་བློན་པོ་དེའི་བུར་སྐྱེས
iiif viewer powered by OpenSeadragon
