| e-texts navigator |
| Wylie |
272a1 དག་ཐམས་ཅད་ནི་ལུས་དང་བྲལ་ཞིང་། འཆི་བའི་འོག་ཏུ་ངན་འགྲོ་ངན་སོང་དུ་རྣམ་པར་ལྷུང་ནས་སྡུག་བསྔལ་བར་འགྱུར་རོ།། དེའི་ཚེ་གང་ཞིག་ཁྲོ་བ་མེད་པར་བྱེད་པར
272a2 གྱུར་པ་དེ་དག་ཐམས་ཅད་ནི་བདེ་འགྲོ་རྣམས་སུ་སྐྱེ་བར་འགྱུར་རོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། དགེ་སློང་དེ་དག་དང་། ཐམས
272a3 ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས
272a4 བལ་མངོན་པར་བསྟོད་དོ། ། འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་རྫོགས་སོ།། ། རྒྱ་གར་གྱི་མཁན་པོ་ཀ་མ་ཏ་དང་། ཞུ་ཆེན་གྱི་ལོ་ཙ་བ
272a5 དགེ་སློང་རིན་ཆེན་བཟང་པོས་བསྒྱུར། ། རྒྱ་གར་སྐད་དུ། ཀརྨ་པྲཛྙཱ་བ་ཏི། བོད་སྐད་དུ། ལས་གདགས་པ། དཀོན་མཆོག
272a6 གསུམ་ལ་ཕྱག་འཚལ་ལོ། ། །། སྡོམ་ནི་ཆེད་དུ་བྱས་དང་སེམས་པ་དང་།། འདས་པ་དང་ནི་དགེ་བ་དང་།། དམིགས་པ་དང་ནི་འདོད་པའི་ཁམས།། ཚིགས་སུ་བཅད་དང
272a7 ལས་བསྡུ་བ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན
iiif viewer powered by OpenSeadragon
