| e-texts navigator |
| Wylie |
26b1 དང་སྤུ་དང་ཁ་སྤུ་རང་བྱི་སྟེ་ཆོས་གོས་གྱོན་པའི་དགེ་སློང་དུ་གྱུར་ཏོ། ། དེ་ནས་བཅོམ་ལྡན་འདས་ཀྱིས་ཅི་རིགས་སུ་ཆོས་བསྟན་ཅིང་བྱེ་བས་འདོད་པ་ཀུན་ཟད་དེ་དགྲ་བཅོམ་པར་གྱུར་ཏོ།།
26b2 འཁོར་མང་པོ་དེ་དག་བཅོམ་ལྡན་འདས་ཀྱིས་གསུངས་པ་ལ་ཡི་རང་ནས་མངོན་པར་དགའ་འོ།། རྒྱ་མཚོའི་ལྷས་དྲིས་པའི་ལེའུ་སྟེ་ལྔ་པའོ།། །། བམ་པོ
26b3 གཉིས་པ། ། ། ལྷའི་བུ་གདྷཱ་དར་ཞེས་བྱ་བའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱ་ཀ་ལན་ཏ་ཀ་གནས་པ་འོད་མའི་ཚལ་ན་བཞུགས་སོ།།
26b4 དེའི་ཚེ་ཡུལ་དེ་ན་བློན་པོ་ཆེན་པོ་ཤིན་ཏུ་ཕྱུག་པོ་ཞིག་ལ་བུ་མེད་དོ།། དེའི་ཚེ་ན་ཆུ་ཀླུང་གངྒཱའི་འགྲམ་ན་མ་ཎི་བྷ་དྲ་ཞེས་བྱ་བའི་ལྷའི་རྟེན་ཞིག་ཡོད་དེ་ཐམས་ཅད་དེ་ལ་ཕྱག་འཚལ་ཞིང་མཆོད་པ་བྱེད་དོ།།
26b5 བློན་པོ་ཆེན་པོ་དེ་ཡང་ལྷའི་རྟེན་གྱི་དྲུང་དུ་སོང་ནས་འདི་སྐད་ཅེས་གསོལ་ཏོ།། བདག་ལ་བུ་ཚ་མེད་དེ། ལྷ་ཁྱོད་ཡོན་ཏན་ཚད་མེད་པ་དང་ལྡན་ཞེས་ཐོས་ཀྱིས། འགྲོ་བ་ཀུན་ལ་སྐྱོབ་པ་ཁྱོད
26b6 གཞན་གྱི་སྨོན་ལམ་བསྐང་བར་ནུས་ན། བདག་ཀྱང་བསྐྱབ་ཏུ་གསོལ་ལོ།། གལ་ཏེ་ཁྱོད་ཀྱིས་བདག་ལ་བུ་ཅིག་སྩལ་ན། གསེར་དང་དངུལ་གྱིས་ལྷ་ཁྱོད་ཀྱི་སྐུ་ཡང་གཡོག་ཅིང་བཞུགས
26b7 པའི་རྟེན་ཡང་སྤོས་དང་བྱུག་པས་བྱུག་གོ། ཇི་སྟེ་མངོན་རྟོགས་མེད་ན་ཁྱོད་ཀྱི་རྟེན་ཡང་བཤིག་ལ་ཁྱོད་ཀྱི་ལུས་ལ་མི་གཙང་བ་བཤང་གཅིས་ཀྱང་བསྐུའོ་ཞེས་སྨྲས་པ། ལྷ་དེས་ཐོས་ནས་འདི
iiif viewer powered by OpenSeadragon
