| e-texts navigator |
| Wylie |
25a1 ལོ་བརྒྱ་སྟོང་གི་བར་དུ་མྱོང་བ་དེ་ནི་ཁྱོད་པས་ཤིན་ཏུ་ཡང་ལྷག་པར་འཇིགས་སུ་རུང་ངོ་ཞེས་སྨྲས་པ། རྒྱ་མཚོའི་ལྷས་ཐོས་ནས་དེ་མ་ཐག་ཏུ་མི་སྣང་བར་གྱུར་ཏོ།།
25a2 ཡང་རྒྱ་མཚོའི་ནང་དུ་སོང་སོང་བ་ལས་རྒྱ་མཚོའི་ལྷ་དེ་མིའི་ནང་ན་ཤིན་ཏུ་རིད་ཅིང་ཉམ་ཐག་པ་རྩ་དང་རུས་པ་ཙམ་འབྲེལ་བ་ཞིག་ཏུ་སྤྲུལ་ནས། གྲུ་འདི་ང་ལ་བྱིན་ཅིག་ཅེས་སྤྲས་ཏེ། དེ་ལ་འདི་སྐད
25a3 ཅེས་འདྲིའོ། ། འཇིག་རྟེན་ན་རིད་ཅིང་ཉམ་ཐག་པ་ང་ལས་ལྷག་པ་ཡོད་དམ། དགེ་བསྙེན་གྱིས་སྨྲས་པ། ཁྱོད་པས་ཤིན་ཏུ་ལྷག་པར་ཉམ་ཐག་ཅིང་རིད་པ་ཡོད་དོ།། རྒྱ་མཚོའི་ལྷས་སྨྲས་པ།
25a4 དེ་ལྟ་བུ་སུ་ཞིག། དགེ་བསྙེན་གྱིས་སྨྲས་པ། གང་གླེན་པ་གཏི་མུག་ཅན་རང་བཞིན་གྱིས་འཇུངས་ཤིང་སར་སྣ་བྱེད་ལ། འདོད་པས་ཕྲག་དོག་བྱེད་པ། སྦྱིན་པ་མི་ཤེས་པ་དག་ཚེ་འཕོས།
25a5 ནས་ཡི་དགས་སུ་སྐྱེ་སྟེ། ལུས་ནི་རོ་ཆེན་པོ་ཙམ་ལ་མགྲིན་པ་ནི་མོ་ཁབ་ཙམ་དུ་གྱུར་ཏེ་སྒྲ་འཛིངས་པ། ག་ནག་ཙང་རིང་པ་ལོ་བརྒྱ་སྟོང་གི་བར་དུ་ཆུའི་མཽང་ཡང་མི་ཐོས་པ་དེ་ནི་ཁྱོད་པས་ཤིན་ཏུ
25a6 ལྷག་པར་རིང་དོ་ཞེས་སྤྲས་མ་ཐག་ཏུ་མི་སྣང་བར་གྱུར་ཏོ། ། དེ་ནས་ཡང་སོང་སོང་བ་ལས་རྒྱ་མཚོའི་ལྷ་དེ་མིའི་ནང་ན་གཟུགས་བྱད་བཟང་པོ་ཞིག་ཏུ་སྤྲུལ་ནས། གྲུ་འདི་ང་ལ་བྱིན་ཅིག་ཅེས་སྨྲས་ཏེ།
25a7 ཚོང་བ་དག་ལ་འཇིག་རྟེན་ན་མིའི་ནང་ན་ང་ཙམ་དུ་གཟུགས་བྱད་བཟང་ལ་མཛེས་པ་ཡོད་དམ། དགེ་བསྙེན་གྱིས་སྤྲས་པ། ཁྱོད་པས་བརྒྱ་འགྱུར་སྟོང་འགྱུར་གྱིས་ལྷག་པར་བཟང་བ་ཡོད་དོ།།
iiif viewer powered by OpenSeadragon
