| e-texts navigator |
| Wylie |
254b1 ། འགྱུར། གང་དུ་མདོ་སྡེའི་མཆོག་འདི་གནས།། ཡུལ་འཁོར་དེར་ཡང་འབྱོར་པར་འགྱུར།། དུས་ཀུན་དུ་ནི་གནས་པ་དང་།། ཀློག་གམ་ཡང་ན་མཆོད་པར་བྱེད།། འདི་ནི་ཡིད་ལ་འཛིན
254b2 བྱེད་ལ། སྡིག་པ་ལས་ནི་གྲོལ་བར་འགྱུར།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། རྒྱལ་པོ་གསལ་རྒྱལ་བཅོམ་ལྡན་འདས་ལ་ཡང་དང་ཡང་དུ་ཕྱག་བྱས།
254b3 ནས་སོང་ངོ་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟར
254b4 བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། གཎྜཱིའི་མདོ་རྫོགས་སོ།། །། རྒྱ་གར་གྱི་མཁན་པོ་དྷརྨ་ཤྲི་བ
254b5 ཏྲ་དང་ལོ་ཙ་བ་དགེ་སློང་ཚུལ་ཁྲིམས་ཡོན་ཏན་གྱིས་བསྒྱུར། ཞུ་ཆེན་གྱི་ལོ་ཙ་བ་དགེ་སློང་རིན་ཆེན་བཟང་པོས་བཅོས་ཏེ་གཏན་ལ་ཕབ་པ།། །
254b6 རྒྱ་གར་སྐད་དུ། གཎྜཱི་ས་མ་ཡ་སཱུ་ཏྲ། བོད་སྐད་དུ། གཎྜཱིའི་དུས་ཀྱི་མདོ། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། འདི་སྐད
254b7 བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ཀྱི་འོད་མའི་ཚལ་བྱ་ཀ་ལན་ད་ཀའི་གནས་ན་བཞུགས་ཏེ། དེ་ནས་བཅོམ་ལྡན་འདས་ཀྱིས། དགེ་སློང་རྣམས་ལ་བོས་ཏེ་བཀའ
iiif viewer powered by OpenSeadragon
