| e-texts navigator |
| Wylie |
253b1 གཉིས་པ་ཡིན། ། ལེགས་མཉམ་ཉིད་ན་ཤིན་ཏུ་གསལ།། རྩེ་གཉིས་སྦལ་པའི་མགོ་བཞིན་ནོ།། དེ་ནས་རྡུང་བར་བྱེད་པ་ཡང་།། ཤིང་དེ་ཉིད་ལས་བཅད་དེ་བྱ།། སོར་བཅུ་གཉིས
253b2 ཀྱི་ཚད་དག་ལ། ། ཟླུམ་ཞིང་རྩེ་གཉིས་ནེའུ་ལེའི་མགོ། ཆང་ཟུངས་ཚད་ཀྱང་དེ་བཞིན་ཏེ།། ཤིན་ཏུ་འཇམ་དང་རྩིབས་མཉམ་པར།། གང་ཕྱིར་དེ་བརྡུངས་གཞན་དགོངས་པས།། འོག
253b3 ཏུའང་དེ་ནི་ཁྲི་བྱ་བ། ། གཙུག་ལག་ཁང་གི་སྒོ་སྟེངས་སམ།། ཡང་ན་དབུས་མའི་སྟེང་དུ་བྱ།། དེ་ཡི་རབ་གནས་བྱ་བ་ནི།། ཤིན་ཏུ་བརྟན་པའི་ཆོས་ཀྱི་སྐུ།། སྐྱེད་པ་མ་ཡིན་འཇིགས་བྱེད
253b4 མི་ནི། གདོད་ནས་མ་སྐྱེས་པར་དགེ་བ།། དེ་ལྟར་རབ་ཏུ་གནས་བྱས་ནས།། དེ་ཡི་སྤྱན་དབྱེར་གྱུར་པ་ཡིན།། གཎྜཱི་སྤྱན་དབྱེ་བྱས་ནས་ཀྱང་།། དེ་འོག་གཙུག་ལག་ཁང་ཀུན་ཏུ།། ཀླུ་བ་དུམ
253b5 གྱིས་ནི་བརྒྱན་པ་ལྟར། ། བསྐྱེད་པའི་རིམ་གྱིས་བརྡུང་བར་བྱ།། དེ་འོག་དཀོན་མཆོག་གསུམ་ལ་ནི།། ཕྱག་བྱས་ནས་ནི་བརྡུང་བྱ་ཞིང་།། ཤད་ཙ་ལན་གསུམ་བརྗོད་པས་ནི།། ཆོས་ཀྱི
253b6 རྔ་རྣམས་བརྡུང་བར་བྱ། ། མེ་ཏོག་གིས་ནི་དེ་བཞིན་ཁྲུས།། ཟན་ཟ་ཉི་མ་འཆར་ནུབ་ཚེ།། དུས་གསུམ་ལ་ནི་ལན་གསུམ་སྟེ།། སྐུ་ཁྲུས་ཚེ་ན་ལན་གཉིས་བསྔགས།། གློ་བུར་གནོད་པ་ཆར་མི།
253b7 འབབ། དེ་བཞིན་འཐབ་དང་རྩོད་པ་དང་།། གློག་དང་གནོད་པ་ཆེན་པོ་དང་།། གནས་བརྟན་རྣམས་ནི་སྤྱན་འདྲེན་དང་།། ནད་དང་མུ་གེ་ཞི་བའི་ཕྱིར།། མ་འཛེལ་རིམ་གྱིས་བརྡུང་བར་བྱ།།
iiif viewer powered by OpenSeadragon
