| e-texts navigator |
| Wylie |
252b1 ཀྱི་སེམས་འཕེལ་བར་བྱེད་པ། སངས་རྒྱས་འབྱུང་བ་སྟེན་པར་བྱེད་པ། འཐབ་པ་དང་། འགྱེད་པ་དང་། འཁྲུག་པ་དང་། རྩོད་པ་དང་། སྡུག་བསྔལ་བ་དང་། རྨི་ལམ་ངན
252b2 པ་དང་མཚན་མ་ངན་པ་ཀུན་འདུལ་བ། གནོད་པ་ཐམས་ཅད་འཇིག་པ། གློ་བུར་གྱི་ནད་དང་འཆི་བ་ཞི་བར་བྱེད་པ། དུས་མ་ཡིན་པར་འཆི་བ་དང་རིམས་ལ་སོགས་པ་ཞི་བར་བྱེད་པ
252b3 དང་ཕ་རོལ་གྱི་དཔུང་འདུལ་བར་བྱེད་པ། བདུད་རྣམ་པར་འཇིག་པར་བྱེད་པ། གདུང་བ་སེལ་བར་བྱེད་པ། བསྐལ་པ་བཟང་པོ་ཡང་དག་པར་འཕེལ་བར་བྱེད་པ། ཚེ་དང་ནད་མེད་པ
252b4 སྟེར་བར་བྱེད་པ། འཆི་བའི་འཇིགས་པ་ཞི་བར་བྱེད་པ། ཐར་པ་དང་འཕེལ་བར་བྱེད་པ། གང་གིས་ཐོས་ནས་རྗེས་སུ་ཡི་རང་བ་དེ་ལ་ཡིད་བཞིན་གྱི་ནོར་བུ་ལྟར་འབྲས་བུ་རབ་ཏུ་སྟེར་བ། ཡུམ
252b5 ཤེས་རབ་ཀྱི་ཕ་རོལ་ཏུ་ཕྱིན་པ་གཎྜཱིའི་གཟུགས་ཀྱིས་བཞུགས་སོ་ཞེས་ཐོས་པ་དང་། གསལ་རྒྱལ་སེམས་དང་བ་སྐྱེས་ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
252b6 བཅོམ་ལྡན་འདས་འདིའི་ཚད་ནི་ཇི་ཙམ་ལགས། མདོག་ནི་ཅི་འདྲ་བ་ལགས། བྱེ་བྲག་ནི་དུ་ཞིག་ལགས། བརྡུང་བ་ནི་ཅི་འདྲ་བ་ལགས། གང་གིས་བརྡུང་བར་བགྱི། གང
252b7 གི་ཚེ་གང་གི་དུས་ན་ཇི་སྲིད་དུ་བརྡུང་བར་བགྱི། ཇི་ལྟར་གཞག་པར་བགྱི། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། འབྱོར་པར་འདོད་པས་ཤིང་རྣམས་ནི།།
iiif viewer powered by OpenSeadragon
