| e-texts navigator |
| Wylie |
250a1 བྲམ་ཟེ་དེས་ཤཱ་རིའི་བུ་ལ་ཅིའི་ཕྱིར་གཅིག་པུ་འགྲོ་བར་བྱེད། དགེ་ཚུལ་ཡང་མེད་དམ་ཞེས་སྨྲས་པ་དང་། ཤཱ་རིའི་བུས་སྨྲས་པ། བདག་ལ་དགེ་ཚུལ་མེད་པས་གཅིག
250a2 བུ་འགྲོ་བ་ཡིན་ནོ། ། ཁྱོད་ལ་བུ་གཅིག་ཡོད་ཅེ་ན། བདག་ལ་སྦྱིན་དུ་རུང་ངམ་ཞེས་སྨྲས་སོ།། བྲམ་ཟེས་སྨྲས་པ། བདག་ལ་གྱུན་ཏེ་ཞེས་བྱ་བ་ཞིག་ཡོད་དེ། ད་དུང་ན་སོ་གཞེན་ཏེ་ཆུང་བས
250a3 ཅི་ཡང་མི་ནུས་ཀྱི། ནམ་སྐྱེས་པ་ན་སྦྱིན་ནོ་ཞེས་སྨྲས་སོ།། ཤཱ་རིའི་བུས་དེ་སྐད་ཅེས་སྨྲས་པ་ཐོས་ནས་ཡིད་ལ་བཟུང་སྟེ། ཕྱིར་རྒྱལ་བུ་རྒྱལ་བྱེད་ཀྱི་ཚལ་དུ་འོངས་སོ།། ཕྱིས་དེ་ལོ་བདུན་ལོན
250a4 བ་དང་བྲམ་ཟེའི་ཁྱིམ་དུ་སོང་སྟེ། བྲམ་ཟེ་དེ་ལ་བུ་བསླངས་པ་དང་། བྲམ་ཟེ་དེས་ཀྱང་ཤཱ་རིའི་བུ་ལ་ཕུལ་ལོ།། ཤཱ་རིའི་བུས་ཀྱང་བུ་དེ་བཞེས་ནས་རྒྱལ་བུ་རྒྱལ་བྱེད་ཀྱི་ཚལ་དུ་ཁྲིད་དེ་དགེ་ཚུལ་དུ
250a5 བཅུག་ནས། དམ་པའི་ཆོས་རྣམ་པ་སྣ་ཚོགས་བསྟན་པས་སེམས་རྣམ་པར་གྲོལ་ཏེ། དགྲ་བཅོམ་པར་གྱུར་ནས་མངོན་པར་ཤེས་པ་དྲུག་དང་། ཡོན་ཏན་ཀུན་དང་ལྡན་པར་གྱུར་ཏོ།། དུས་གཞན
250a6 ཞིག་ན་དགེ་ཚུལ་གྱུན་ཏེ་ཤེས་རབ་ཀྱི་སྟོབས་ཀྱིས་ཚེ་སྔ་མ་ལ་ཅི་ཞིག་བྱས་པས། ལུས་འདི་ཐོབ་ནས་སློབ་དཔོན་དང་ཕྲད་དེ་འབྲས་བུ་ཐོབ་པར་གྱུར་པ་བརྟགས་ན། ཚེ་སྔ་མ་ལ་ཁྱི་ལྟོགས་པ་ཞིག
250a7 བྱེད་པ་ལས། བདག་གི་སློབ་དཔོན་ཤཱ་རིའི་བུའི་དྲིན་གྱིས་མིའི་ལུས་དང་འབྲས་བུ་ཐོབ་པར་མཐོང་ཞིང་། རྟོགས་ནས་རབ་ཏུ་དགའ་སྟེ་འདི་སྙམ་དུ་བསམས་སོ།། བདག་ནི་སློབ་དཔོན་འདིའི་དྲིན
iiif viewer powered by OpenSeadragon
