| e-texts navigator |
| Wylie |
24a1 ཏེ་ཞལ་ཟས་ལ་སོགས་པའི་གཡོས་ཀྱང་བཤམ་གྱིས། ཁོ་བོའི་ཁྱིམ་དུ་སྤྱན་དྲོངས་ཤིག་ཅེས་སྨྲས་པ་དང་། དབུལ་པོ་དེས་ཀྱང་དེ་བཞིན་དུ་བགྱིའོ་ཞེས་སྨྲས
24a2 ནས་ཞལ་ཟས་བཤམས་ཏེ། སངས་རྒྱས་དང་དགེ་འདུན་སྤྱན་དྲངས་སོ།། དེའི་རྒྱུ་དེའི་རྐྱེན་གྱིས་ཚེའི་དུས་བྱས་ནས་ཀྱང་ཁྱིམ་བདག་དེའི་ཁྱིམ་དུ་སྐྱེས་ཏེ། དེ་ཡང་སངས་རྒྱས་སྤྱན་དྲངས་ནས། ཆོས
24a3 ཐོས་མ་ཐག་ཏུ་བྱང་ཆུབ་ཐོབ་པར་གྱུར་ཏོ། ། བཅོམ་ལྡན་འདས་ཀྱིས། ཀུན་དགའ་བོ་ལ་བཀའ་སྩལ་པ། སྔོན་གྱི་དབུལ་པོ་དེ་ནི་ཁྱིམ་བདག་གི་ཁྱེའུ་དགེ་སློང་འདི་ཡིན་ནོ།། བཅོམ་ལྡན
24a4 འདས་ཀྱིས་དེ་སྐད་ཅེས་གསུངས་པ་ལ་འཁོར་མང་པོ་ཐམས་ཅད་ཡི་རངས་ཏེ་མངོན་པར་དགའ་འོ། ། ལུས་བཙོངས་ཏེ་མཆོད་པ་བྱས་པའི་ལེའུ་སྟེ་བཞི་པའོ།། ། རྒྱ་མཚོ
24a5 ལྷས་དྲིས་པའི་ལེའུའོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྤྲིན་གྱི་ཀུན་དགའ་ར་བ་ན་བཞུགས་སོ།།
24a6 དེའི་ཚེ་ཡུལ་དེ་ཉིད་ན་ཚོང་པ་ལྔ་བརྒྱ་ཙམ་ཞིག་རྒྱ་མཚོར་རིན་པོ་ཆེ་ལེན་དུ་འགྲོ་བ་དག་འདི་ལྟར་བགྲོས་སོ།། བདག་ཅག་གིས་མིའི་ནང་ན་མཁས་ཤིང་ཤེས་པ་ཞིག་དང་དཔོན་དུ་བཀྲིའོ་ཞེས་བགྲོས
24a7 ནས་དགེ་བསྙེན་ཁྲིམས་ལྔ་པ་ཞིག་ཁྲིད་ང་རྒྱ་མཚོར་ཞུགས་སོ། ། རྒྱ་མཚོའི་དབུས་སུ་ཕྱིན་པ་དང་། རྒྱ་མཚོའི་ལྷ་དེ་སྲིན་པོ་ཞིག་ཏུ་སྤྲུལ་ནས། ལུས་གཟུགས་ཤིན་ཏུ་མི་སྡུག
iiif viewer powered by OpenSeadragon
