| e-texts navigator |
| Wylie |
249b1 ཀྱི་ལས་ཤིན་ཏུ་བསྲུང་བར་གྱུར་ཏོ། ། བཅོམ་ལྡན་འདས་ཀྱིས་གསུངས་པ་ལ་འཁོར་མང་པོ་རྗེས་སུ་ཡི་རང་ནས་མངོན་པར་དགའ་འོ།། སྲིན་བུའི་རྒྱུ་བསྟན་པའི་ལེའུ་སྟེ་ལྔ་བཅུ་པའོ།།
249b2 ། དགེ་སྦྱོང་ཀྱུན་ཏེ་ཞེས་བྱ་བའི་ལེའུའོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི
249b3 ཀུན་དགའ་ར་བ་ན་བཞུགས་སོ། ། དེའི་ཚེ་ཚེ་དང་ལྡན་པ་ཤཱ་རིའི་བུ་ཉིན་མཚན་དུས་གསུམ་དུ་ལྷའི་མིག་གིས་སེམས་ཅན་གང་ལ་འདུལ་བའི་སྐལ་བ་ཡོད་པ་རྟོག་སྟེ། གདུལ་བ་རིགས་པ་ཡོད་ན་དེར
249b4 འགྲོ་འོ། དུས་གཞན་ཞིག་ན་ཚོང་པ་དག་ཅིག་ཡུལ་གཞན་དུ་ཚོང་ལ་འདོང་བས་ཁྱི་གཅིག་ཁྲིད་དོ།། ལམ་དུ་ཁྱི་དེས་ཚོང་པ་ཞིག་གི་ཤ་བརྐུས་པ་དང་། ཚོང་པ་དེ་ཁྲོས་པས་ཁྱིའི་རྐང་པ་བཅག
249b5 ནས་འབྲོག་སྟོང་པར་བོར་ཏེ་སོང་ངོ་། ། དེ་ནས་ཤཱ་རིའི་བུས་ལྷའི་མིག་གིས་བརྟགས་ན་ཁྱི་དེ་ལྟོགས་པ་མཐོང་ནས། ཆོས་གོས་གྱོན་ལྷུང་བཟེད་ཐོགས་ཏེ། བསོད་སྙོམས་བསླང་ནས་དེ་མ་ཐག་ཏུ
249b6 ནམ་མཁའ་ལ་འཕུར་ཏེ། ཁྱིའི་གན་དུ་སོང་ནས་བྱམས་ཤིང་སྙིང་བརྩེ་བའི་སེམས་བསྐྱེད་དེ་ཁ་ཟས་ཀྱིས་ཁྱི་དེ་བསྙོད་དོ།། ཁྱི་དེ་ཁ་ཟས་ཟོས་ནས་ལྷག་པར་དགའ་སྟེ། ཤཱ་རིའི་བུས་ཁྱིལ་དམ་པའི
249b7 ཆོས་བསྟན་ནས། ཁྱི་དེ་ཡང་དེར་ཚེ་འཕོས་ཏེ་མཉན་དུ་ཡོད་པར་བྲམ་ཟེ་ཞིག་གི་བུར་སྐྱེས་སོ།། དུས་གཞན་ཞིག་ན་ཤཱ་རིའི་བུ་གཅིག་པུ་བསོད་སྙོམས་ལ་སོང་སྟེ། བྲམ་ཟེ་དེའི་སྒོར་ཕྱིན་པ་དང་།
iiif viewer powered by OpenSeadragon
