| e-texts navigator |
| Wylie |
248b1 དོང་ནས་འདི་སྐད་ཅེས་སྨྲས་སོ། ། གལ་ཏེ་བདག་ཅག་ཉེ་ཞོ་མོད་པར་བདེ་བར་འཁོར་ནས་མཆོད་པར་བགྱིའོ་ཞེས་གསོལ་པ་དང་། དགེ་འདུན་རྣམས་ཀྱང་ཅང་མི་གསུང་སྟེ། ཚོང་པ་རྣམས་རྒྱ
248b2 མཚོར་ཞུགས་སོ། ། ཚོང་བ་དེ་དག་རྒྱ་མཚོ་ནས་རིན་པོ་ཆེ་མང་དུ་རྙེད་དེ། བདེ་བར་འཁོར་ནས་དགེ་འདུན་དེ་དག་ལ་རིན་པོ་ཆེའི་དམ་པ་རིན་ཆེ་བ་ཞིག་དགེ་འདུན་རྣམས་ལ་བསོད་སྙོམས་ཀྱི་ཟོང་དུ
248b3 ཕུལ་ལོ། དེ་ནས་དགེ་སློང་རྣམས་ཀྱིས་རིན་པོ་ཆེ་དེ་བཞེས་ནས། དགེ་འདུན་གྱི་ལས་བྱེད་པའི་དགེ་སློང་ཞིག་ལ་གཏད་དོ།། ཕྱིས་དགེ་འདུན་དག་བསོད་སྙོམས་ཀྱིས་བྲེལ་བར་གྱུར་ནས། རིན་པོ
248b4 ཆེ་དེ་བསོད་སྙོམས་སུ་བཙོང་སྙམ་སྟེ། ལས་བྱེད་པའི་དགེ་སློང་དེ་ལ་ཚོང་པས་ཕུལ་བའི་རིན་པོ་ཆེ་འོན་ཅིག་ཅེས་བསྒོ་ན། དགེ་སློང་དེས་སྨྲས་པ། ཚོང་པས་རིན་པོ་ཆེ་དེ་ང་ལ་བྱིན་དུ་ཟད་ཀྱིས
248b5 ཁྱེད་ཀུན་ལ་མ་བྱིན་ནོ། ། དགེ་འདུན་གྱིས་དགེ་སློང་དེ་ལ་རིན་པོ་ཆེ་དེ་ནི་ཚོང་བས་དགེ་འདུན་ལ་ཕུལ་ནས་ཁྱོད་སྦེད་དུ་བཅུག་གོ།། ཁྱོད་ལ་བྱིན་པ་མ་ཡིན་ནོ་ཞེས་བསྒོ་བ་དང་། དགེ་སློང་དེ་ཁྲོས
248b6 ནས་ཁྱེད་སྐྱུག་པ་ལ་ཟ་ཟ་བའམ། རིན་པོ་ཆེ་དེ་ནི་ཁོ་བོའི་ཡིན་གྱིས་མ་ཟེར་ཅིག་ཅེས་སྨྲས་སོ།། དེ་ནས་དགེ་འདུན་རྣམས་ཀྱང་དགེ་སློང་དེ་ཁྲོས་ནས་ངན་སེམས་སྐྱེས་པ་མཐོང་ནས་སོ་སོར་གྱེས་སོ།།
248b7 དེ་ལྟར་དགེ་འདུན་ལ་ངན་སེམས་ཀྱིས་ཚིག་ངན་པ་སྨྲས་པས། ལུས་ཞིག་སྟེ་ཚེ་འཕོས་ནས་མཚམས་མེད་པའི་སེམས་ཅན་དམྱལ་བ་ཆེན་པོར་ལྷུང་སྟེ། ངན་སྐྱུགས་ཀྱི་ནང་ན་བསྐལ་པ་དགུ་བཅཝ
iiif viewer powered by OpenSeadragon
