| e-texts navigator |
| Wylie |
247b1 མི་འགྱུར་བར་འགྱོད་ཚངས་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱི་ཐུགས་རྗེ་ཆེན་པོས་བདེན་པ་བཞིའི་ཆོས་བསྟན་ཏེ། སྔོན་རྒྱུ་གང་དང་མཐུན་པ་བཞིན་དུ་འབྲས་བུ་ཐོབ་ནས།
247b2 ལ་ནི་རྒྱུན་དུ་ཞུགས་པ་དང་། ལན་ཅིག་ཕྱིར་ལྡོག་པ་དང་། ཕྱིར་མི་ལྡོག་པ་དང་། དགྲ་བཅོམ་པ་ཐོབ་བོ།། ལ་ལ་ནི་བླ་ན་མེད་པའི་བྱང་ཆུབ་ཏུ་སེམས་བསྐྲད་དེ། བཅོམ་ལྡན་འདས་ཀྱིས
247b3 གསུངས་པ་ལ། ཀུན་དགའ་བོ་དང་འཁོར་རྣམ་བཞི་མངོན་པར་དགའ་ནས་རྗེས་སུ་ཡི་རང་ངོ་།། སེང་གེའི་ཡི་དམ་བརྟན་ཞེས་བྱ་བའི་ལེའུ་སྟེ་བཞི་བཅུ་རྩ་དགུ་པའོ།། །།
247b4 སྲིན་བུའི་རྒྱུ་བསྟན་པའི་ལེའུའོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་སྤུངས་པའི་རི་ལ་བཞུགས་སོ།། དེའི་ཚེ་གྲོང་ཁྱེར་དེ་དང་མི་རིང་བ
247b5 ཞིག་ན་ཆུའི་ལྟེང་ཀ་མི་གཙང་བ་ཞིག་ཡོད་དེ། མི་མང་པོ་བ་ཤང་གཅི་དང་མི་གཙང་བ་ཐམས་ཅད་དེར་འདོར་ཏེ། ལྟེང་ཀའི་ནང་ན་སྲིན་བུ་ཆེན་པོ་སྦྲུལ་དང་འདྲ་བ་རྐང་པ་བཞི་ཡོད་པ་གཅིག་ཅིག་ཡོད་དེ།
247b6 ཆུའི་ནང་ན་ཕན་ཚུན་རྒྱུག་ཅིང་བར་འགའ་ནི་ཕྱིར་འབྱུང་། བར་འགའ་ནི་ཆུའི་གཏིང་དུ་འགྲོ་སྟེ། ལོ་མང་པོར་དེ་ན་གནས་ཤིང་སྡུག་བསྔལ་ཚད་མེད་པ་མྱོང་ངོ་།། དུས་གཞན་ཞིག་ན་བཅོམ་ལྡན་འདས
247b7 དགེ་སློང་མང་པོས་བསྐོར་ཏེ་མདུན་དུ་བདར་ནས་ལྟེང་ཀ་དེའི་ངོགས་སུ་གཤེགས་ཏེ། སྲིན་བུ་དེ་གཟིགས་པ་དང་། སྲིན་བུ་དེའི་སྔོན་གྱི་རྒྱུ་ཁྱེད་ཅག་སུས་ཤེས་ཞེས་བཀའ་སྩལ་པ་དང་། དགེ་སློང
iiif viewer powered by OpenSeadragon
