| e-texts navigator |
| Wylie |
247a1 ། རྟ་ཆེན་པོ་བཅས་ནས། སེང་གེའི་པགས་པ་སྟེང་དུ་བཞག་སྟེ། ཐམས་ཅད་ཀྱིས་མཐོང་བར་བྱས་ནས་མེ་ཏོག་གིས་མཆོད་དེ་ཕྱག་འཚལ་དུ་བཅུག་གོ།། དེ་ནས་གསེར
247a2 གྱི་སྒྲོམ་བྱས་ནས། སེང་གེའི་པགས་པ་ནང་དུ་བཅུག་སྟེ་མཆོད་རྟེན་བྱས་སོ།། དེའི་ཚེ་མི་མང་པོ་དགེ་བར་སེམས་པ་དེ་དག་ཐམས་ཅད་ཚེ་འཕོས་པའི་འོག་ཏུ་མཐོ་རིས་ཀྱི་ལྷར་སྐྱེས་སོ།། ཀུན
247a3 དགའ་བོ་དེའི་ཚེ་སེང་གེ་དེས་ཆོས་གོས་ཁ་དོག་བསྒྱུར་བ་གྱོན་པའི་མ་ལ་དགེ་བའི་སེམས་བསྐྱེད་པས། བསྐལ་པ་ཁྲི་ཕྲག་བཅུའི་བར་དུ་འཁོར་ལོས་སྒྱུར་བའི་རྒྱལ་པོ་བྱས་ནས། སེམས་ཅན་ཀུན
247a4 བདེ་བ་བྱིན་ཏེ་བསོད་ནམས་ཀྱི་ལས་རྒྱས་པར་བྱས་ནས་མངོན་པར་སངས་རྒྱས་སོ། ། དེའི་ཚེ་དེའི་དུས་ན་སེང་གེ་ཡི་ངམ་བརྟན་པ་དེ་ལ་གཞན་དུ་མ་སེམས་ཤིག། དེ་ནི་དེ་ལྟར་ང་ཡིན་ནོ།། དེའི་ཚེ།
247a5 དེའི་དུས་ན་རྒྱལ་པོ་དེ་བྱི་སེང་གེའི་པགས་པ་ལ་མཆོད་པ་བྱས་པས། བསྐལ་པ་ཁྲི་ཕྲག་བཅུའི་བར་དུ་ལྷ་དང་མིའི་མཆོག་ཏུ་གྱུར་ནས། དགེ་བ་ཀུན་བྱས་པ་དེ་ནི་བྱང་ཆུབ་སེམས་དཔའ་བྱམས་པ་ཡིན།།
247a6 དེའི་ཚེ་དེའི་དུས་ན་དྲང་སྲོང་དེ་ནི་ཤཱ་རིའི་བུ་ཡིན་ནོ།། རྔོན་པ་དེ་ནི་ལྷ་སྦྱིན་ཡིན་ནོ།། དེའི་ཚེ་འཁོར་མང་པོ་དག་བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ཐོས་ནས།
247a7 རབ་ཏུ་དགའ་སྟེ་འདི་སྐད་ཅེས་གསོལ་ཏོ།། བདག་ཅག་གིས་འཕགས་པར་མི་ཤེས་པས་ངན་སེམས་སྐྱེས་ཀྱིས། དེ་བཞིན་གཤེགས་པས་བདག་ཅག་ལ་ཐུགས་བརྩེ་བའི་སླད་དུ། སྡིག་པར
iiif viewer powered by OpenSeadragon
