| e-texts navigator |
| Wylie |
246b1 ཀྱང་ཉུང་ཞིག་བྱིན་ནས་རྔོན་པ་ལ་འདི་སྐད་ཅེས་སྨྲས་སོ། ། སེང་གེ་འདི་གསོད་པའི་ཚེ་ངོ་མཚར་ཆེ་བ་འམ་ལྟས་ཅི་ཞིག་བྱུང་ཞེས་དྲིས་ན། ཁ་ནས་ཡི་གེ་འབྲུ་བརྒྱད་པོ་འདི་སྨྲས་ཏེ། གནམ་ས
246b2 ཡང་གཡོས་ནས་སྤྲིན་མེད་པར་ཆར་པ་བབ་ཅིང་ལྷ་རྣམས་ཀྱིས་མེ་ཏོག་ཕབ་བོ། ། དེའི་ཚེ་རྒྱལ་པོས་འདི་སྐད་ཅེས་སྨྲས་པ་ཐོས་ནས། ཤིན་ཏུ་མི་དགའ་སྟེ་ངང་པའི་སེམས་སྐྱེས་ནས། བློན་པོ་དང
246b3 སྔ་རབས་ཀྱི་རྒན་པོ་ཤེས་པ་བློ་དང་ལྡན་པ་ཀུན་བསོགས་ཏེ། སེང་གེས་སྨྲས་པའི་ཚིག་བཤད་ན། གཅིག་གིས་ཀྱང་མ་གོ་མ་ཤེས་སོ།། གནས་དབེན་པ་ཞིག་ན་དྲང་སྲོང་ཤ་མ་ཞེས་བྱ་བ་མཁས།
246b4 བ་རིག་པ་དང་ལྡན་པ་ཞིག་ཡོད་དེ། རྒྱལ་པོས་དྲང་སྲོང་དེ་སྤྱན་དྲངས་ནས་དྲིས་པ་དང་། དྲང་སྲོང་དེས་འདི་སྐད་ཅེས་བཤད་དོ།། ཡ་ལ་ལ་ཞེས་བྱ་བའི་དོན་ནི། སྐྲ་བྲེགས་ལ་ཆོས་གོས
246b5 ཁ་དོག་བསྒྱུར་བ་གྱོན་པ་འབའ་ཞིག་སྐྱེ་ཤི་ལས་མྱུར་དུ་ཐར་ཏོ་ཞེས་ཟེར་རོ། ། བ་ཤ་ས་ཞེས་ཟེར་བའི་དོན་ནི། སྐྲ་བྲེགས་ཏེ་ཆོས་གོས་ཁ་དོག་བསྒྱུར་བ་གྱོན་པ་ཐམས་ཅད་འཕགས་པའི་མཚན
246b6 ཡིན་ཏེ། མྱ་ངན་ལས་འདའ་བ་དང་ཉེ་བའོ་ཞེས་ཟེར་རོ།། སྭཱ་ཧཱ་ཞེས་བྱ་བའི་དོན་ནི། སྐྲ་བྲེགས་ཏེ་ཆོས་གོས་ཁ་དོག་བསྒྱུར་བ་གྱོན་ན། ལྷ་དང་མི་དང་འཇིག་རྟེན་དུ་བཅས་པ་ཐམས་ཅད་ཀྱིས
246b7 བཀུར་སྟི་བྱའོ་ཞེས་བྱ་བའི་དོན་ནོ། ། དེའི་ཚེ་དྲང་སྲོང་གིས་དེ་སྐད་ཅེས་སྨྲས་པ་དང་། རྒྱལ་པོ་རབ་ཏུ་དགའ་ནས། རྒྱལ་ཕྲན་བརྒྱད་ཁྲི་བཞི་སྟོང་མང་པོ་ཡང་བསྡུས་ཏེ། རིན་པོ་ཆེ་སྣ་བདུན་གྱི་ཤིང
iiif viewer powered by OpenSeadragon
