| e-texts navigator |
| Wylie |
245b1 བ་ལ་བསྟི་སྟང་ཇི་ལྟར་བགྱིས་པ་བསྟན་དུ་གསོལ། ཐོས་པར་འཚལ་ལོ།། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ལེགས་པར་ཉོན་ལ་ཡིད་ལ་ཟུང་ཞིག་དང་། ཁྱོད་ལ་བསྟན།
245b2 པར་བྱའོ།། ཀུན་དགའ་བོ་སྔོན་འདས་པའི་བསྐལ་པ་ཚད་མེད་པའི་ཕ་རོལ་ན། འཛམ་བུའི་གླིང་འདིར་རྒྱལ་པོ་ཆེན་པོ་དེ་བྱི་ཞེས་བྱ་བ་ཞིག་བྱུང་སྟེ། རྒྱལ་ཕྲན་བརྒྱད་ཁྲི་བཞི་སྟོང་སྙེད་ལ་དབང
245b3 བྱེད་དོ། ། དེའི་ཚེ་འཇིག་རྟེན་ན་སངས་རྒྱས་ཀྱི་ཆོས་ནི་མེད་དེ། རང་སངས་རྒྱས་དག་ཅིག་རི་དང་ཚལ་ན་གནས་པ་ནམ་མཁའ་ལས་རྒྱུ་ཞིང་སེམས་ཅན་གྱི་དོན་བྱེད་དོ།། དེའི་ཚེ་ན་རི་དགས་དག་དེ་ལ་བསྙེན
245b4 བཀུར་བྱེད་དེ། སེང་གེ་ཡི་དམ་བརྟན་པ་ཞེས་བྱ་བ་ལུས་ཀྱི་སྤུ་གསེར་གྱི་མདོག་ལྟར་འདུག་པ་ཤིན་ཏུ་འཚེར་བ་ཞིག་ཀྱང་དེ་ན་འདུག་སྟེ། ཟས་སུ་འབྲས་བུ་དང་རྩཝ་ཟའི་སེམས་ཅན་ནི་མི་གསོད།
245b5 དོ། དེའི་ཚེ་རྔོན་པ་ཞིག་གིས་མཐོང་ནས་རབ་ཏུ་དགའ་སྟེ། དེ་བདག་གིས་བདེ་བ་ཐོབ་ཀྱིས། སེང་གེ་འདི་བསད་ལ་པགས་པ་རྒྱལ་པོ་ལ་ཕུལ་ན། གདེན་མི་ཟ་བར་དབུལ་བློར་རོ་སྙམ་བསམས
245b6 ཏེ། དུས་གཞན་ཞིག་ན་སྐྲ་བྲེགས་ཆོས་གོས་གྱོན་ནས། མདའ་གཞུ་མཚན་དུ་བཅུག་སྟེ་སེང་གེ་གང་ན་འདུག་པར་སོང་ངོ་།། དེའི་ཚེ་ན་སེང་གེ་དེ་གཉིད་ལོག་སྟེ་ཉལ་བ་ལས། རྔོན་པས་དུག
245b7 མདའ་འཕངས་སོ། ། དེ་ནས་སེང་གེ་སད་ནས་རྔོན་པ་བསྙེགས་པ་དང་། ཆོས་གོས་གྱོན་པ་མཐོང་ནས་འདི་སྙམ་དུ་བསམས་སོ།། མི་འདི་ལྟ་བུ་ནི་འཇིག་རྟེན་ན་ཡུན་དུ་མི་གནས་ཏེ། རིང
iiif viewer powered by OpenSeadragon
