| e-texts navigator |
| Wylie |
245a1 མི་དེ་ནི་འདས་པའི་སངས་རྒྱས་དང་། རང་སངས་རྒྱས་དང་། དགྲ་བཅོམ་པ་ལ་ངན་སེམས་བསྐྱེད་དོ།། མ་འོངས་པའི་སངས་རྒྱས་དང་། རང་སངས་རྒྱས་དང
245a2 དགྲ་བཅོམ་པ་ལ་ངན་སེམས་བསྐྱེད་པ་ཡིན་ནོ། ། ད་ལྟར་བཞུགས་པའི་སངས་རྒྱས་དང་། རང་སངས་རྒྱས་དང་། དགྲ་བཅོམ་པ་ལ་ངན་སེམས་བསྐྱེད་པ་ཡིན་པར་རིག་པར་བྱའོ།། དེ་ལྟར
245a3 དུས་གསུམ་གྱི་འཕགས་པ་ལ་ངན་སེམས་བསྐྱེད་པས། སྡིག་པའི་ལས་ཁ་ན་མ་ཐོ་བའི་འབྲས་བུ་ཚད་མེད་པ་སྨིན་པར་འགྱུར་རོ།། དེ་ཅིའི་ཕྱིར་ཞེ་ན། ཆོས་གོས་ངུར་སྨྲིག་ནི་དུས་གསུམ་གྱི
245a4 འཕགས་པ་རྣམས་ཀྱི་རྒྱལ་མཚན་ཡིན་ཏེ། སེམས་ཅན་གང་ཞིག་སྒྲ་དང་ཁ་སྤུ་བྲེགས་ནས་ཁ་དོག་བསྒྱུར་བའི་ཆོས་གོས་གྱོན་ན། དེ་ནི་རིང་པོར་མི་ཐོགས་པར་སྡུག་བསྔལ་ཀུན་ལས་སེམས
245a5 རྣམ་པར་གྲོལ་ཏེ། ཟག་པ་མེད་པའི་ཡེ་ཤེས་ཐོབ་ཅིང་། འགྲོ་བ་ཐམས་ཅད་ཀྱི་མགོན་སྐྱབས་དང་དཔུང་གཉེན་དུ་འགྱུར་རོ།། སེམས་ཅན་གང་ཞིག་རབ་ཏུ་འབྱུང་ཞིང་ཁ་དོག་བསྒྱུར་བའི
245a6 ཆོས་གོས་གྱོན་པ་ལ་དད་པའི་སེམས་བསྐྱེད་ན། བསོད་ནམས་དཔག་ཏུ་མེད་པ་ཐོབ་པར་འགྱུར་རོ།། ཀུན་དགའ་བོ་ང་ཡང་སྔོན་རབ་ཏུ་བྱུང་བ་ཆོས་གོས་ཁ་དོག་བསྒྱུར་བ་གྱོན་པ
245a7 ལ་དད་པའི་སེམས་སྐྱེས་ཏེ་བསྟི་སྟང་བྱས་པས་མངོན་པར་སངས་རྒྱས་སོ། ། ཀུན་དགའ་བོས་གསོལ་པ། བཅོམ་ལྡན་འདས་ཀྱིས་སྔོན་ཁ་དོག་བསྒྱུར་བའི་ཆོས་གོས་གསོལ་ཅིང་རབ་ཏུ་བྱུང
iiif viewer powered by OpenSeadragon
