| e-texts navigator |
| Wylie |
244b1 མང་པོའི་རྣམས་རྗེས་སུ་ཡི་རང་སྟེ་མངོན་པར་དགའ་འོ། ། ངང་པ་ལྔ་བརྒྱ་ལྷར་སྐྱེས་པའི་ལེའུ་སྟེ་བཞི་བཅུ་རྩ་བརྒྱད་པའོ།། ། སེང་གེ་ཡི་དམ་བརྟན་ཞེས་བྱ་བའི་ལེའུའོ།།
244b2 འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ་བཞུགས་སོ།། དེའི་ཚེ་ན་ལྷ་སྦྱིན་གྱིས་བཅོམ་ལྡན་འདས་ལ་རྟག་ཏུ་ངན་སེམས་བསྐྱེད་ནས
244b3 དེ་བཞིན་གཤེགས་པ་མེད་པར་བྱས་ལ། ལྷ་སྦྱིན་ཉིད་སངས་རྒྱས་ཡིན་ནོ་ཞེས་བསྒྲགས་པའི་ཕྱིར། རྒྱལ་པོ་མ་སྐྱེས་དགྲ་ཕ་གསོད་དུ་བཅུག་ནས། སངས་རྒྱས་སར་པ་དང་། རྒྱལ་པོ་སར
244b4 པས་ཡུལ་གྱི་སྲིང་བཅས་ན་མ་ལེགས་སམ་ཞེས་སྨྲས་པ། རྒྱལ་པོ་མ་སྐྱེས་དགྲས་མཉན་ཏེ་ཕ་བསད་ནས་བདག་ཉིད་རྒྱལ་པོར་བཞུགས་སོ།། དེའི་ཚེ་ཡུལ་མི་དག་དགེ་སློང་ཀུན་ལ་ངན་སེམས
244b5 སྐྱེས་ནས་མཐོང་ཡང་མི་འདོད་པར་གྱུར་ཏོ། ། དུས་གཞན་ཞིག་ན་དགེ་སློང་དག་གྲོང་དུ་བསོད་སྙོམས་སློང་དུ་སོང་སོང་བ་ལས། ཡུལ་མི་དག་ཁྲོས་ཏེ་གཏམ་ཡང་མ་སྟེར་ནས། ལྷུང་བཟེད
244b6 སྟོང་པར་ཕྱིར་ལོག་སྟེ་བྱ་རྒོད་སྤུངས་པའི་རི་ལ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ལྷ་སྦྱིན་གྱིས་སྡིག་པ་མི་དགེ་བའི་ལས་བགྱིས་པས། ཡོན་བདག་ཀུན་དགེ་སློང་ལ
244b7 ངན་སེམས་སྐྱེས་སོ་ཞེས་གསོལ་པ་དང་། བཅོམ་ལྡན་འདས་ཀྱིས། ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། སེམས་ཅན་གང་ཞིག་དགེ་སྦྱོང་ངུར་སྨྲིག་གྱོན་པ་ལ་ངན་སེམས་བསྐྱེད་ན།
iiif viewer powered by OpenSeadragon
